Gelngin ko Mich nibe Thamgiliy
Ni ba tay pa’em nga lang ni ba sustain nag, gaba micheg ngak Got, i yaed fapi tapigpig rok, ningam ayuwegraed.
Bo’or e yay, kug rung’an boech e toygang’ ko priesthood kar pinninged e magaer ni fan e michaen’ ko gidii’ ni yaedba pigpig ngak. Dakaen e thamtham ko lamraed, gama nang e laniyaen’raed ko magaer e ba riyul’. Fan e welthin rog daba’ ni ngu weliy’ e laniyaen’ Somoel ni fan e ayuw romed ngak fapi toygang’ ko galasia Rok. Ma ni nggu gay fel’ laniyaen’med ni ngam ngongoliyed mu ilalgaed ko re gelngin nibe ayuwegmed ko mich romed.
Ou’moon ni kam gargle, kam dag fare gelngin nem. Mu lem nag mornga’agen fare fayleng ko ya’el ou’moon kad gargeleg gad. Chitamangdaed nu Tharmiy ke weliy’ e kanawo’ ngak fapi bitir Rok. Kug paered ngaram. Lucifer, walagagdaed ko ya’el, ke togopluw ko fare kanawo’ nira pii’ e mat’aw ngodad ko me’leg rodad. Jehovah, fa bin T’uf Fak ko Chitamangdaed nu Tharmiy, ke ayuweg fare kanawo’. Lucifer ke powiy’ e togopluw. Lam ku Jehovah ke gel nag, me Ke yoeg ir ra mang e Tathapegdaed.
Bachaen ga ba fas u fayleng ney ba yip fan ni kam ayuweg en Chitamangiy ma Tathapeg. Udakaen e michaen’med ngak Yesus Kristus ninge ayuweg fare kanawo’ ko falflaen’ ma tagil’ rok Yesus Kristus nap’an dawur mu nanged fan e sikeng nira yib ngom nap’an e yafas u fayleng.
Michaen’med ni ngam ayuwegmed pi tapigpig ku Got nibe dayif ko falflaen’med nap’an e yafas ney. Nap’an kam folgaed fare sikeng ko missionary ningam meybil ningam nang ni fare Babyor ku Mormon i’ir e thin ku Got, bayi mich rom ningam ayuweg e tapigpig ku Somoel. Nap’an kam thapeg e pinning ni ngam tawfe, kam ayuweg e tapigpig nib sobutaen’ ku Got.
Nap’an kam thapeg e paa’angin bee’ nga loelgem ma yoeg “Mu thapeged fare Kan Thothup ngom,” kam ayuweg ir nge Priesthood ni Melchizedek rok.
Mada’ ko re rran nem, kam, udakaen e ayuw nib mich rom, ayuweg urngin e gidii’ ni ke pii’ fare priesthood ngom ma urngin ni ke yibliynigem ko urngin e office ko priesthood.
U somm’on e chepin e priesthood rom, urngin e yibliy nag nibe moem e ban’en ningam pagaen’ ngak e tapigpig ku Got. Chiney, boech i gimed ba t’uf reb e ban’en ko yibliy nag.
Gaba me’leg ningam yibliynag urngin e gidii’ en Somoel ba pinning—u demturug e muruwel Somoel ra pinningraed ngak. Fare me’leg nem ran buch ulongob e fayleng ko bo’or e mo’olung. Ke buch ulan re mo’olung ney. Ulan fapi mo’olung nem, boech e fithingraed ko mo’on nge ppin—yaed tapigpig ku Got—ran biy’eg, ma pinningem ningam tay ngalang pa’med ningam yibliynagraed. Rayog ningam tal’ e vote rom, fa rayog ningam micheg e mich romed nib ayuweg. Udakaen e tay nga lang pa’med, gaba fi’leg e micheg. Gaba micheg ngak Got, i yaed fapi tapigpig rok, ningam ayuwegraed.
Yaed ba gidii’ ni yaed ma oloboech, woed rogom. Micheg rom ra t’uf e mich ni dakir ruur ngak Got ni ke pinning raed. Fa’an mu fol fapi micheg rom nira yoeg e falflaen’ ni manemus ngom. Kireb nag e micheg rom ra yoeg e kirebaen’ ngom ma ngak e gidii’ nib t’uf rom—ningam n’ag ban’en nib gaa’ ko rayog rom ningam nang fan.
Sana kan fith ngom, fa ran fith ngom, fa’an gaba sustain nag e bishop, stake president, fapi General Authority, nge General Officer rom ko Galasia. Sana ra buch nap’an ngan fith ngom ningam sustain nag fapi tiyugang’ nge tapowiy’ ko mo’olung. Boech e ningyal’ nira buch nap’an e interview ko bishop fa stake president rom.
Gube pii’ e fanow ngom ni ngam lemnag mornga’agen fapi duwer u somm’on, arragon udakaen e meybil nib yul’yul’. Nap’an ngam rrin’, sana gara sul ngadkaen e lem, thin, nge ngongol rom kafram. Mu pugurran ngam lemnag e fulweg gara pii’ ngak Somoel nap’an ir ra interview nigem, mu nang ni boron Ir ra rrin’. Rayog ningam taermedliy nap’an ni ngam fith e duwer ngom woed:
-
Kug lemnag fa kug non mornga’agen e oloboech ko gidii’ Kug micheg kug sustain kafram?
-
Kug pir’eg e pow ni Somoel ma powiy’raed?
-
Kug non mornga’agen e pow ni Gu be guy ni yaed pi tapigpig ku Got?
-
Kug non mornga’agen e pow ni Gube guy ni yaed pi tapigpig ku Got?
-
Gu ma meybil ni fan raed ngu oeg e fithingan nge udakaen e thamtham ni t’ufeg?
Fapi duwer ney, ko boech e gidii’, ra gay e tatamra’ ngak ma kalgaed ngaen’raed. Got kan motochiyel nagdaed ni dad pufthinag nib gilay’, machane ba riyul, nibe moem’aw ni dad rrin’ed. Urngin e muruwel rodad ko gidii’ ba yoeg e pufthin ngoraed. Urngin e ban’en ko yafas rodad, ba yoeg ningad lemnag fa ta’arebnag raed. Ngad rrin’ed ko bo’or e fan, boech e ba fel’, machane boech e pii’daed ningad moninggaed ngak.
President George Q. Cannon ke pii’ e koel chiya ni Gu be weliy’ ngomed chiney. Ya mich u wun’ug nike yoeg e tin riyul’: “Got ke me’leg e tapigpig Rok. Ir ba fanay e pufthin nagraed Rok, fa’an yaed ba t’uf e pufthin. Dabki pii’ mat’awaendaed ningad pufthin nagraed fa moning nagraed. Dariy’ e mo’on, dariy fan e gaa’ michaen’, dariy’ fan e priesthood bin tolang rok, ra yoeg e tin kireb ngak bee’ kan yibliy nag Somoel nge fekyathin ngak e mat’awaen Got u fayleng ma dabi yib e damomuwmuw Rok ngak. Fare Kan Thothup ra chuweg rok e ra mo’on nem, nira yaen ufithik e lumor. Aram fan, gama nang fan nib gaa’ fan ningam koel chiya’?1
Gu ma nang ni bo’or e chongin ko Galasia ulongob e fayleng ni yaedma pagaen’ ngadad ngepi’in nibe tiyugang’ raed. Machane, bayi boech, e ban’en rayog ma thingar ni ngad thilyeg. Rayog ni ngad ga’ nag e rayog rodad ningad sustain nagdaed. Ir ba t’uf e mich nge muruwel. Gube yoeg angingeg e ban’en ningad rrin’ed nap’an e conference ney.
-
Rayog ni ngad pir’eg fapi ngongol nibe pinning e toygang’ ngad tababgaed ningad rrin’ed. Nap’an ngad rrin’ed, e gelingdaed ningad sustain nagraed ran gaa’nag.
-
Rayog ni ngad meybil ni fan nap’an e welthin roared ni nge yoeg fare Kan Thothup ninge ying fapi thin roared nga gidii’ nib t’uf rodaed. Nap’an ngad nanged ni ke fulweg e meybil rodad, e rayog rodad ni ngad sustain nagded pi tapowiy’ rodad ra ga’ nag.
-
Rayog ni ngad meybil ra yib nga e tawa’ath ngak boech e gidii’ nibe non ni nge ayuwegraed nap’an e milwol roared. Nap’an ngad guyed kan ayuwegraed, gadad ra gelnag e mich rodad ni ngad sustain nagraed, ni nge athamgiliy.
-
Rayog ni ngad motoyil ko milwol e gidii’ nibe pii’ e welthin nibe fulweg e meybil rodad ko ayuw. Nap’an bay yib e pi fulweg, yad ma buch, ran gel nag e mich rodad ningad sustain nag fapi tapigpig ku Somoel.
Nap’an ngad gel nag e sustain nag ngak e gidii’ nibe pigpig ko Galasia, gadadra fil bay reb e gin’en ni ngad gel naged e gelingdaed riy’. Urom, rayog ni nge fek ngodad e taw’ath nib gaa’ ngodaed. Ni’ir e na’un nge tabinaew rodad.
Gu be non ngak fapi gidii’ ni fel’ yangren ko priesthood nibe paer u na’un ko chitamangin. Gube pii’ e chepin rog mornga’agen e chitamangin nibe ayuweg e mich. Bay e ya’an rok nib pagaen’. Machane bay yib bo’or e sikeng ngak. Boech e ni ngyal’ debke nang urrogon ni nge gel nag e magawon rok.
E ba’adag rom ngak ra ayuweg ngak. E t’ufeg rom ra ayuweg gaa’ ngak. Machane fapi thin ney nib l’agaen’ i ir e tin ni ma ayuw nib thabi ga’: “ Papa, kug meybil n ifan ngom, nge Kug thamiy ni fare Somoel e ra ayuweg nigem. Urngin e ban’en ra fel’ rogon. Gu ma nang ran fel’ rogon.”
Fapi thin nem ra yoeg e gelngin u reb e rogon, ko papa’ ngak fak. Nap’an e fak ra oloboech nib almarin, sana u rogon ko tin nib ya’el, irma thamiy ni ke waer. Ko chitamangin, nap’an re ningyal’ nem, sana ngam balyangaen’, tomuren e meybil ningam fith e banen t’uf ni ngam rin’, fare Kan Thothup ra pii’ e thin nga lamam ni, “Guma paer ngom ufithik gubin pi’nen.. En Somoel ba’adagmed. Udakaen e ayuw rok, rangam sul. Gu ma nang rayog ningam rrin’ ma gu ma nang ni ngam rrin’. Gube a’dag em.”
Ulan fare priesthood nge tabinaew, mich nib gel ra ayuweg reb ni ngad toeyed Zion u rogon ni Somoel ba’adag ni ngad rrin’ed. Rayog ni ngad rrin’ed, fa’an bay e ayuw Rok rodad. Thingar ningan fil mornga’agen e t’ufeg ko Somoel ko gum’rachadaed, gelngindaed, tafnay rodad, nge rayog rodad ni ngad t’ufeged reb e gidii’ woed ningad t’ufegeddaed.
Nap’an ngad ilalgaed ko fare t’ufeg nib machaelboeg rok Kristus, ran sumunguy e gum’racha’daed. Fare t’ufeg nem ra pinning e sobutaen’daed ni ngad kalgaedngaen’daed. E pagan’daed ngak Kristus ma reb e gidii’ ra gel nag. Ni ngad dared u ta’abang ningad ta’abredgaed, woed rogon Somoel ke micheg ngodaed.2
Gube pii’ e m’ag ni Chitamangdaed nu Tharmiy ba’adagmed. Yesus i’r fare Kristus nib fas. Ni’ir e Galasia Rok Gadad ba koel e priesthood Rok. Ir ra nang fan e rayog rodad ningad gel nag e gelingdaed ningad ayuwegdaed ningad athamgilyed. Gube tay e mich rog udakaen e fithingan nib thothup ko Yesus Kristus, amen.