Kristus: Fare Tamilang Nima Mat Ram’en u fithik e Lumor
Fa’anre gabe thamiy ni mich rom e be waer ma ba ga’ nibe chuchgur ko fare lumor, mu athamgil. Mu koel chiylen fapi micheg rom ngak Got.
Office rog ko Relief Society e bay ya’an nrayog ni nguy fare Salt Lake Tempel riy. Gubin e nep, woed ni gubin ngiyal’, fapi magal u tempel e ma yib ram’en nap’an nrani aw e yal’ nga but’. Fare tempel e ba gomoech, pow nibe yip’fan nibay ko winda rog.
Reb e nep ko February nike thumur, ke talmor lan e office rog nap’an ni ke aw a yal’ nga but’. Nap’an ni kug sap ko fare winda, fare tempel e ba talmor. Fapi magal e dawri mat ram’en. Kug kug thamiy e kirbaen’. Daryag ni nguy fare chig ko fare tempel ni guma guy ni urngin e blayal’ ni bukun e duw.
Nap’an kug guy e lumor nap’an gu lemnag t’uf e magal ke puguran nigeg ni ta’areb e pi’nen nib ga’fan ngodaed ba’tuf ni ngad mon’og ni ngaed kol e magal rodaed—ni Yesus Kristus. I’ir kenggin e gelingin rodaed, fare Tamilang nge Yafos ko Fayleng. Fa’an nra de fel’ yathindaed ngak, ra m’aed pi ya’el rodaed. Nike nang biney, Satan ma guy rogon ni nge gelnag e magawon ko feylang rodaed. Ir ba’adag ni nge chigchig nag e magal rodaed, kirebnag e tha’, gathynag e gelingey, nge tay daed u fithik e lumor. Bay yo’or mit e sik’eng ko yafos u bang ko fayleng nib mu’un ko gubin, machane Mo’oniyaen’ ma guy rogon nib gel ni nge yoeg ngodaed kemus ni yigo’ daed ma yibi buch riy.
Boech i Gadaed e Dar Mithmith ni bachane amith.
Nap’an i pi magowan ko yafos ma yib ngodaed, nap’an ke gafgow gaed ni dabki pogofon gaed ngay, nap’an kan lii’daed e sik’eng ngodaed woed fare pum’on u barba’ fare kanawo nu Jeriko ni chugur ko yam’ riy, ma yib ngodad Yesus ma be pu’og e gap’gep nga dakaen e mad’ad rodad, nibe chibiy ngodad ngalang, ma fekdaed iyaen ko gin nib toffan, mra gol nagdad.1 Ngak picha’an nib gafgow, Ma yoeg, “Ma … gu ba’udeg e pi muruwel ni yibe tay nga dakean poemed … nge yog ni ngam nanged nib dugil ni gag, fare Somoel ni Got, e guma ayuweg e gidii’ rog u fithik’ e pi gafgow roraed.”2 Kristus ma golnagdad.
Boech i Gadaed e Kari Magaf
Elder Jeffrey R. Holland ke yoeg: “Dani t’uf ni ngad miil gad nib ga’ ko gelingdad. ... Machane [dem turug e ren’ir] ya, gumanang ... ni bo’or i med ma miil [nrib papay,] nib papay nge gelingin u wun’uy ma bingyal’ ma chugur ko dariy.”3 Nap’an pin’en ni kan duwgily ngodad mu’un ni yigi gel, rayog ni ngad soen min meybil ngak Chitimangdaed nu Tharimy ni ngad nang tin ni rayog ni ngad diyeged riy. Bang ko fan rodad ko yafos ney e ngan fil rogon pin’en ni dam rin’. Machane, bochingyal’ e yafos ra pii’ e magaf ngodaed. Yesus keyog, “Mired ngog, ni gimed gubin e pi’in ke aw parowmed i fek e n’en nib tomal ni gimed be fek, mu gu’ pi’ e toffan ngomed.”4
Ba’adag Kristus ni nge un ngodaed ko magawon min ayuwegdaed ni nge ba’ud ko pin’en nib tomal rodaed. Kristus i’ir e tofan.
Boech i Dad ma Lemnag ni Gadaed be Thilthil Rogoy
Be lemnag ni de adag dakaen e gidii’ ngodad, fa ke kireb ngodaed. Bin Bi’ech e M’ag ma weliy fan ni ke gay Yesus nib gel rogon ni nge ayuweg urngin mit e gidii’: nii’ nib daraw, pi kunuy e tax, bitir, nii’ ni Galilea, pi’in gathar, ppin, fapi Gentile, Pharisees, ta denen, nii’ nu Samaria, pi’in ke yim’ e figirngiraed, Pharisee, gidii’ ni Roma, nii’ nibe paer ko pi’in ni dani mabgol ngay, nge pi’in nib alit ko motochiyel. Chugur ko urngin e chepin riy, Ke ki’yeg pa’ay ngak bee’ nib lemnag e gidii’ riy ni dariy fan.
Luke 19 ma weliy fan fanathin ko pilungen e tamakun e tax nu Jeriko fithingan ni Zakeus ngay. Ke yaen be lu’ugun ke gakiy ni nge guy Yesus fini ke yaen nga but’. Zacchaeus ke muruwel ko Government nib Roma nge gidii’ kar sapgaed ngak ni ir kireb nge tadenen. Ke guy Yesus ir nib lu’ugun ko gak’iy me pinning ir, ni ga’ar, “Zakeus, mu guyr nigem ngam luw nga but’, ya thingar gu par u tabinaw rom e daba’.”5 Ma fini ke guy e tin nib mangil nibay ko gum’ircha’ey nge tin nibe rin’ ni fan e gidii’, Ke athapeg e miligach rok, ni ga’ar, “Kanawo’ ni nge thap e girdi’ riy ngak Got e ke taw ko re naun ney e daba’, [ya] ir be’ ni owchen Abraham.”6
Me yoeg Kristus ngak fapi Nephites, “kug chiyliy ni dariy bi gimed ni nge yaen ngab yang.”7 Ma ke yib e lowaen’ nib gel ngak Peter u Acts 10 nap’an ni yoeg, “Got e ke dag ngog nthingari dab ku ug leamnag be’ ni de be’ech ara ba alit ni rogon ni bay ko Motochiyel.”8 Be dayif ko yalen ni gachalpen nib Kristiano chongin e Gidii’ Rok ko Tin Tomur e Rran ni ngaed bugol be’ ngak be’.9 Me pii’ t’abrogon e magaer ngodad Yesus ni ke pii’ ngak Zakeus: “Kug sak’iy nga langan e mab gu be tugtuguy; ma fa’anra [mu] rung’ag lungug me bing e mab, mra bug ngalan e naun rok nggu un [gur] ko abich, me un ngog ko abich.”10 Kristus ma sap ngodaed ulan e gakiy rodaed.
Boech i Gadaed ma bay Yo’or e Duwer Rodaed
De n’uw nap’an bay bochi duwer, nib tomal nib mad’ad ngog ni dabiyog nggu pirieg e fulweg riy ngay. Reb e kakadbul nu Sabado, ke yib e malik’ay ngog. Lan re malik’ay rog kug guy e koyeng, nge kan yoeg ngog nggu waen ngu paer nga but’ nga langin. Ba’ laal e mab riy, machane pi winda kan fal’eg ko malang. Kug nonnon boech, mu dabug ni nggu waen nga langin ni bachan ke chig radan riy. Machane ke yib tafney ngog ni ke ngongliy fare walagen Jared bangi malang ni nge mang tamilang woed ya’an glass. Malor i’ir e malang ni kan thiliyeg rogoy riy’. Nap’an i peth Somoel fapi malang ku walagen Jared, kar yik woed e nifiy mar manged ga’ ra’en ko milmor ko pi barko rorad.11 Ere, ke thiliyeg tafney rog, mug adag dakaen nib almarin nggu waen ngu paer nga but’ nga langin fare koyeng. Ni’r gin’en nib fel’—kemus e gin riy’—nrayog nggu “guy” nib riyul’ rogon. Pi duwer ni ke sik’eng nigeg e dani yaen nga mu’, machane ke tamilangaen’ug fare duwer fini kug od: “Ke uragon ni ngam ga’ nag e mich rom, woed rogon walagen Jared, ni nge yoeg pi malang rom ni ngan yik ngay min ga’ ram’en u milmor ngay?”12
Pi lolegdaed e kan yarimy ni nge gay e nang fan nge llowaen’ bayil’ ngo dakaen e bayil’. Dab gu nang mang fan be ga’ radan fare veil ko yafos ney. Ireray gathi gin’en ko yafos nib manemus rodaed nra yoeg urngin e fulweg ko pi duwer rodaed. Ireray bang ko paer rodaed nap’an gadaed ma toey e michaen’ (fa athap rodaed) ko pin’en ni daworiy guy. Michaen’ ma yib nrogon ni bingyal’ gathi tamilangaen’ riy, machane be ga’ ram’en ko tafen nib milmor rodaed. Yesus ke yoeg, “I gag fare tamilang, nge fare yafos nge riyul’ ko fayleng.”13 Nifan pi’in niba sapgaed ngak tin nib riyul’, sana gamed ra lemnag ni dariy e magal ko winda ney. Machane u dakaen e gum’aen nge pi duwer nibay e mich, Yesus rayog ni nge thilyeg e winda ni dariy e magal nga winda nib fel rogon ni bay e magal.. Kristus ni’ir e tamilang ni ngan guy.
Boech i Gadaed ma Thamiy ni Dabki Yoeg ni Ngad Fel’ Rogoy
Maed ni row ko Bin Kakrom e M’ag e gathi kemus ga’ ram’en machane gel ra’en, nibe yip fan dem turug ungin e yay ni kan maluk riy ra magaey nib t’aborogon ra’en ko som’on.14 Mo’oniyaen’ ma nang e ren’ey ma be yoeg ngodaed: ni wool nib be’ech kan thiliyeg nib row ma dabiyoeg ni nge sul nib bi’ech. Machane Yesus Kristus ma yog, “feni thil e tirog e kanawo’ nge leam rog ko tiromed,”15 nge ma’ang’ang’ ko gather Rok e nap’an gadadma kalngan’ gad ko denen, racha’ nib row Rok ma sulwegdad nib wech’wech’ bayay. Dabda nang fan daed riy, machane ba riyul’.
Photograph u iStock.com/iinwibisono
“Kam alitgad ko denen nib row ram’en, machane bay gu maluk nagmed ngam be’echgad ni bod feni be’ech e ayis; yug aram rogon ni kam alitgad nrib row ra’en, ma bay mu wechwechgad ni bod bunu’en e saf.”16 Somoel ma yoeg nib gel: enra “ni ke kalngan ko … denen, e kan n’agfan rok, nge Gag Somoel, ma dabki puguran e denen roraed.”17 Ere: Mired ngad puruy’gad.18 Gimed gubin e kam dol’; gubin e gidii’ kar denen gad.19 Mired ngog nge kalngan’.20 Dab gu puguran fare denen bayay.21 Rayog ni ngam mang be’ech byay.22 Ba’ e muruwel thingari rin’ed.23 Kristus ma sunmiy e mad nib wechwech.
Machane, mang e ngad rin’ed riy? Mang e kanawo’ ngaed leked ningaed athapeg e gelingin Yesus Kristus fini ke aw e yal’ rodaed? Ke fulweg President Russell M. Nelson riy nib moem rogon: “Key riy’ e ngan fal’eg min koel chilan ko pi m’ag nib thothup. … Gathi kanawo’en nib mom’aw.”24 Mu toey Kristus ko kengiin e yafos rom.25
Fa’anre gabe thamiy ko mich rom nibe waer ma ba ga’ nag e milmor, mu madang’dang’ u wun’um. Mu koel chiylen ko pi micheg rom ngak Got. Mu fith mornga’agen. Tal ni nge sunmiy e widna nib fel’ rogon. Mu chel nga Yesus Kristus, Irma ba’adagem.
Ke yoeg Yesus, “I Gag fare tamilang [nib] gel ram’en u milmor, nge dani nang fan riy fare milmor ngay.”26 Be yip fan ni dem turug ko gelingin e milmor, dabki yoeg ni nge upnguy e tamilang nge tuluf ngay. Ndariy bi’id. Mrayog ni ngam tay e pa’agaen’um ni ra magay e tamilang nem rom.
Gadaed, fa nii’ nib t’uf rodaed, bingyal’ ra dol’ ko milmor. Ko Salt Lake Tempel, cha’ nib ga’ ko facility, Brother Val White, kan pinning riy’ nrib papay. Ke guy e gidii’ ni dani yik pi magal riy. Mang ke buch ko pi magal ko tempel? Som’on, pi tapigpig riy kar ranoed ko urngin e electric panel ko tempel nge yik nag pi malang. Ma kar thiliyeg pi battery ko power supply nge sik’eng nagraed ni ngar piri’eg mang ke buch.
Be mom’aw ni ngan yik e malang ni yigo’ gur. Gadaed b’tuf e fagaer. Gadaed b’tuf gadaed. Woed pi tapigpig ko tempel, mrayog ni ngad ayuweg bigidad ni ngad visit nag, thiliyeg pi battery ko ya’el rodad, min fal’eg bayay pin’en ni ke waer.
Magal rodaed e woed ta’areb fapi magal nbay ko fare gak’iy. Machane ngad pii’ e magal nib achigchig, nge gadad gubin, ni woed Tempel Square ko ngayal’ ko Kristmas, bo’or e gidii’ ra yib ngodad nge na’un rok Somoel. Mrib mangil riy, President Nelson ke fonow nag ni, rayog ni ngad fekey e tamilang rok Somoel ngodaed ma ngak picha’an nib t’uf rodad napan gadaed ma koel chilan e motochiyel rodaed. Bukun e kanawo’ riy, Somoel ma fulweg e muruwel nem ko gelingin nge falfalan’ ngay.27
Gube yoeg ni gab t’uf Rok. Somoel ma nang ni ke yigi gel e gay rogom. Kam mon’og e paer rom. Mu ul’ul’uy. Ir ma guy urngin e miligach ni kam tay ma kan thi’eg nagraed ko tin nib fel’ rom nge tin nib fel’ ko picha’an nib t’uf rom. Muruwel rom e ga’fan. Gathi kemus ni yigo’ gur. Fithingan riy’ ni Emmanuel, be yip fan “Got e bay rodad.”28 Riyul’ ni’ir ba’ rom.
Mu ul’ul’uy ko kanawo’en e m’ag, dariy fan ni fa’anre be milmor e wo’en riy. Ra yik bayay pi magael. Gube micheg nib riyul’ pi thin Yesus, nge kan suguy ko tamilang: “Mu chugur ngog ma bay gu chugur ngom; mu gay rogog nib yul’yul’ rogon mram piri’egneg; ning, ma ra bing wo’en ngom; tug’tuguy, mra bing e mab ngom.”29 U dakean fithngan Yesus Kristus, amen.