Motoyil ko Thin Rok

Ku Elder David P. Homer

Ko fare Medlipi Ragag

Ulane fayleng nibay bo’or e laman nibe cham, Chitamangdaed nu Tharmiy ke bing e wo’en ngodead ningad motoyilgaed ngak mag folgaed ko thin Rok.

Daba’ u kadabul, walagen ko ppin rog ke pii’ e babyor e ppin rog nike yol ngak e nina rok bo’or e duw kafram. Ningyal’ ney, Sister Homer kemus e ppin nib bitir. Babyor ne baga’ar, “Nina, soro’ dab kugog e mich rog daba’—machane gube adag’em.” Napan kug waro nga abich, Kug lemnag marunga’agen e ba’nen nib mangil. Ere, kug pare nga buut, nge kug yoloy e babyor niba ga’ar, “President Nelson, soro’ dab kugog e machib daba’—machane gube adag’em.” Machane, bin’ir e thamey de fel’ rogon Ere baa’ gadad gubin, nge gube falfalaen’ ni nggu gog boch e thin ulan e mu’ulung ney daba’.

Boech e duw u faram, Kug milekag u skuki nib chigchig ko pilot ke fini fil urrogon ninge changeg. Nap’an kug tawgow nga but, kug thepegew e mataw’on ningu tawgow nga but. Machane nap’an kug Fare pilot ke sap nga bin reb e pilot ke salap ko nang fan, ni ke yip paa’ nga but’, u farengi nam nib palog ko runway, me yoeg, “Chiney!”

Skuki rog ke yaen nga gilal’ nga but’, ma kug soled nga lang, changeg boech bayay, mug tawgaed nib pos. Tomuren kug rung’aged bay reb e skuki ke thapeg e matawon ninge tabab e changeg. Fa’an kug folgaed e milwol ko alarm nem, kug crashnog ngak, dad chuweged ko fare, skuki ni bay yib. Biney e ya’ar ke fil ngog la’agruw e ban’en, Bin somm’on, nap’an e ningyal’ nib gaa’ fan ko yafas rodad, gadadra rung’ag bo’or e lam ni yaed ba cham ko tiyaen’ rodad. Bin la’agruw, nib thabi gaa’fan ningad motoyilgaed ko bin riyul’ e laman.

Laman nib Tugthin

Gadadbe paer u lane fayleng ni bay bo’or e laman nibe pinning e tiyaen’daed. Bay bo’or e news, tweet, blog, podcast, nge welthin ko Alexa, Siri, nge reb, dad nanged u somm’on bin ningan e laman ningad pagaen’daed ngak. Boech e ningyal’ gadadma folgaed ulungi gidii’, ma gadadma lemnog i’ir e rogon nib fel’ ninge yoeg e tin riyul’ ngodad. Reb e ningal’ ngad “pired mfen mfin gimed duwgiliy lanin’med,”¹ ngad me’legeg “ni dad garbebe fa gwael.”² Nge boech e ningyal’ ngad folgaed e rogon nib moem, ngad puluwgaed ko ta’areb e lam fa milwol, ngad ngongoliyed e rayog rodad ningad lemnog.

Arragon fapi rogon ney ra yoeg e ayuw ngodad, machane thingar ningad nanged dar fel’ rogon ni gubin yal’. E ban’en nib popular dani yoeg e tin fel’ ni gubin yal’. E paer mfen duwgily e laniyaen’ daki yoeg e ayuw ngodad. E rogon nib moem daki yoeg e tin nib gaa’fan. Puluw ko ta’areb e lam fa ban’en ra kirebnog e rayog rog ningad nanged fan. Ma fa’an ngad lemniged ko rayog rok ni go’ ni ra yoeg e balnyangaen’ ngodad. Fa’an dad koel chiya’, bin kireb e lam ra pinningaed ningad chuwgaed ko gospel nga mfen nib kireb ko mich, ngad piry’eged nga mfen ni dariy’, thibnin, ma kirebaen’ riy’.

Motoyil ko Bin Lam nib Baen

Gura dag e fan rog udakaen e fanathin nge yaar ko scripture. E gidii’ ni yaedma nomeg ko burey kar kunuyed mar pii’ed fithingan fare binaw u 8,000 meter u lane lang ni “binaw ko yam’” bachane, u lane lang nem, dariy’ e oxygen ko yafas. Ko e ya’el bayi ta’ab e mfen ko yam’. Fa’an ngad soengaed ko bo’or e ningyal’ u tafen ko baen, e lam nib sumunguy ra fek e nifeng ko ya’el nib t’uf ngodad.

U lan fare Babyor ku Mormon, gadadba biy’eg marung’agen Korihor, ni ta’ab e ban’en ke buch ngak. Ke thapeg e liyoer ko gidii’ nib fel’ bachane e milwol rok “bachan e rib m’ag [ngak] lem.”³ Ke yoeg fapi glabthir nge profet kar filed e yalen nib lily kan yarmiyed ningar feked puf mat’awon ma lowaen’ ko gidii’.⁴ Ke yoeg nib fel’ fa’an e gidii’ ra rrin’ed demturug e ban’en bachan fapi motochiyel ni dariy’ fan ni kan fi’leg raed ningar kalbusnogdaed.⁵ Ke lemnog, michaen’ ngak fare Bayul rok Yesus Kristus ke yib ko “tafnaey ni sabalbalyang,” kan fi’leg e michaen’ ko e bee’ dabkiyoeg ninge fas bachane dabkiyoeg ninga guy Ngak.⁶

Korihor ke k’arneg nib almarin aramfan kan fek nga somm’on fapi pilung nib chief nge bin tolang e priest. Mu oren ke saki’y “me non ni rib gaa’ laman,” me moning ngak fapi tiyugang’ ma ke fith ko e pow. Ke fulweg me pii’ e pow. Ke ma’ay nag laman me dabiyoeg ninge yoeg e thin Korihor ke leamnag kan baen ngak, ma ke leamnag marung’agen fa tin riyul’ ke pii’ keru’ ngak, ke yoer me yoeg, “ma gubin e ngiyal’ ma gumnang.”⁷

Korihor ke wenig ko gaan mada’ min yit’ nga but’ ngan yaen u dakean ulungi Zoramites, nge yaeni mada’ ko ngiyal’ ni ke yim’.⁸ Bin tomur e thin ko chepin rok ba ga’ar: “Ere aray ni kad guyed rogon ni ma mus e yafos rok’ e cha’ ni ma thilyeg e pi yalen rok’ Somoel; ma aray e kad guyed ni fare mo’oniyan’ e dabi ayuweg e gidii’ rok’ ko bin tomur e rran, ya kemus ni nge miliyraed nib papay iyaen nga but’ nga infierno.”⁹

Bin Mat’aw E Laman

Chitamangaed nu Tharmiy ba’adag ningad thapeged a ban’en nib fel’. Aram fan ke bing e wo’en ningad motoyilgaed ko Lam Rok. Bo’or e ningyal’, gadadra rung’ag Laman udakaen e thamtham ko fare Kan Thothup. Fara Kan Thothup i’ir bin delip ko ulungi Got. Irma micheg marunga’agen en Chitmangiy nge en Fak,¹⁰ me yib ninge “fil [ngodaed] urngin e ban’en,”¹¹ irra “dag [ngodaed] urnign e ngongol ni [ngad] rrin’ed.”¹²

Fare Ya’el ma non u bo’or e rogon ngak bo’or e gidii’, ma Irra non u bo’or e rogon ngak ta’areb e bee’ nap’an bo’or e ningyal’. Aram fan, e mafil ko urngin e rogon Ninge non ngodaed ra yaen ko urgnin e yafas rodad. Boech e ningyal’. Irra non ngak e “tafnay ma ulanngin e gum’racha’[daed]”¹³ u lam nib sumunguy, machane gel, ninge kuruf nag e “e pi’in ... ni rung’ag ri kuruf raed ni polo’.”¹⁴ Reb e ningyal’, e thamtham Rok “ra thamgiliy ko tafnay [rodad]’ fa “ying … ko thamtham [rodad].”¹⁵ Reb e ningyal’, e gum’racha’daed ra “gwael ufithik [daed].”¹⁶Nge reb e ningyal’, Irra sug e ya’el rodad ko faflaen’, gay e lowaen’ nga tafnay rodad,¹⁷ fa yoeg e gapas ngak e gum’racha’daed nib kirebaen’.¹⁸

Piry’eg Laman Rok

Gadadra piry’eg Laman Chitamangdaed u bo’or e gin’en. Gadadra piry’eg nap’an e meybil rodad, biy’eg rodad ko babyor nib thothup, uned galasia, non marung’agen e mich, fa ulan fare temple. Arragon, gadadra piry’eg nap’an e mo’olung ney biney e weekend.

Daba’ kug yibliynoged 15 e mo’on i yaed profet, tathogthog, ma tayi’iy. Pi ya’el nge nang fan roared ba gay e lowaen’ nib gaa’fan ngodaed. Pi milwol roared ran moem ningam piry’eg riy make non ko thin nib machalboeg. Yaedbe yoeg e tin ba’adag Got ngodaed, dariy’ fan ba’adag e gidii’ fa danga’.¹⁹

Piry’eg e Laman u demturug e gin’ney nib fel’ rogon, machane piry’eg u bo’or e gin’ney nib thabi’ fel’. Nge nap’an ngad rung’aged riy’, thingar ningad folgaed ko fanow ninge pii’ ngodaed. Fare Apostle James ke yoeg, “Dab mbanniged gimed ni kemus ni ngu’um motoyilgaed ko thin rok, ya ngam maruwelgad ngay.”²⁰ Nge President Thomas S. Monson ke fil: “Gadadma sap. Gadadma soen. Gadadma motoyil ko fare lam nib kathkath lam. Nap’an irra yoeg e tin, e mo’on nge ppin nib gonop ra fulweg riy’.²¹

Nap’an Bay Yib E Fanow nib Sasagal

Nap’an kug fini tabab e muruwel rob, Sister Home nge Gag kug thapeg e thilyeg ko muruwel romow. Nap’an e ningyal’ nem, kug lemnog i’ir e ban’en nib gaa’ ngodad. Kug filew, mug balaynogew abich romow, mug meybilgow, machane e fulweg ke yib nib sasagal. Me yibi buch, kug me’legew mug thamgilyew nga somm’on. Nap’an kug tababgow, kug thamiyew nib fel’rogon mug filew i’ir e me’leg nib gaa’fan romow.

Udakaen fare’nem, kug filew ni boech e fulweg bay yib nib sasagal. Sana bachan ni dawriy ningyal’ nib fel, bachae daworiy t’uf e fulweg, fa bachan Got ma pagaen’ ngomed ningam me’elged nib fel’ rogon. Elder Richard G. Scott ke fil ningad pinning e magaer ko ningyal’ nem make tay e micheg ni: “Nap’an mu paer nib mat’aw ma ngongol rom ma un e machib rok Tathapeg ngam athamgiliy, ufithik e pagaen’. … Got dabki pii’ em ningam palog ko tin fel’ ma dabki ning koel chiya’ ngom fa’an kam me’leg nib kireb.”²²

Thingar Ningad Me’leged

Ere, thingar ningad me’leged, ko urngin e laman, bin ningan ningad motoyilgaed ngak. Gadadra fol ngak fapi laman ko fayleng nib waer, fa gadadra mugu’uliyed fare muruwel ni ke fith en Chitamangiy ngodaed ninge powiy’daed nga me’leg nib fel’ ninge matangiydaed ko tin magothgoth? Nap’an ngad thamgilyed ko piry’eg e Lam, nira yoeg nib moem ningad runga’ged. Dabki tolul e thin Rok machane e rayog rodad ningad motoyilgaed ra gelong. En Tathapeg ke micheg fa’an ngad “motoyil ko pi yalen [Rok], mar l’iged telraed ko fonow [Rok],” “Irra pii’ boech [ngodad].”²³ Gube yoeg e m’ag nib riyul’ re micheg ney—ni fan dad.

Ta’areb e duw u faram, ke yim’ e walageg nib ilal ko oloboech ko karo. Nap’an John ke fel’ yangren ba fel’ e salap nge muruwel rok. Machane nap’an ke ilal, ke m’ar ko downgin nge tafnay ma yafas rok ke moem’aw. Arragon e golnag irba a’dag dabke yib nap’an e yafas ney, machane John dabki waer ko mich rok, ke me’leg ninge thamgilyr, ko urngin e rayog rok, mada’ ko tomur.

Ere, Guma nang John dabki machaelboeg, machane Gube lemnog u’uew ke fek e gelngin rok. Bo’or e gidii’ kar pinning ngak ninge fekyathin ngay, machane de motoyilngak. Machane, ke gay rogon e rayog rok ninge tayfan e yafas rok ko kenginn e gospel. Ke paer aram, bachan Irma nang ninge piry’eg e thin ko Masta ngaram, bachane Irma nang ninge fil ngaram.

Ning

Pi Walageg, ulane fayleng nibay bo’or e laman nibe cham, Gube pii’e m’ag ni Chitamangdaed nu Tharmiy ke bing e wo’en ngodead ningad motoyilgaed ngak mag folgaed ko thin Rok. Fa’an ngad thamgilyed, Ir nge Fak rok ra gay e fanow ngodad nib t’uf rodad, e gelngin nib t’uf rodad, nge faflaen’ gadadba’adag. U dakean fithngan Yesus Kristus nib thothup, amen.