E Goso di Nos Redenshon
JesuCristo su amor i poder por salba kada un di nos for di nos erornan, debilidatnan i pikanan i yuda nos bira algu mas.
Mas o ménos 10 aña pasá mi a sinti e impreshon pa pinta un retrato di e Salbador. Ounke mi ta un artista, el a sinti un tiki abrumador. Kon tabata tin ku pinta un retrato di JesuCristo ku ta kapturá Su Spiritu? Unda lo mi ta tin ku kuminsá? I unda lo mi a haña e tempu?
Aun ku mi preguntanan, mi a disidí na sigui pa dilanti ku e konfiansa ku Señor lo yuda mi. Pero mi mester a sigui i laga e posibilidatnan na djE. Mi a hasi orashon, reflekshoná, investigá, i hasi un skèch, i tabata bendishoná di a haña yudansa i rekursonan. I loke tabata un canva blanku a kuminsá bira algu mas.
E proseso no tabata fásil. Tin bes e no tabata mustra manera mi a spera. Tin bes tabatin momentunan di inspirashon i ideanan. I hopi bes, mi a djis purba di nobo i di nobo i di nobo.
Ora ku mi a pensa ku e pintura di zeta finalmente tabata kompletu i seku, mi a kuminsá pone fèrnis transparente pa protehé for di sushedat i stòf. Ora ma hasié, mi a nota ku e kabei den e pintura a kuminsá kambia, mancha, i disolvé. Mes ora mi a realisá ku mi a apliká e fèrnis muchu tempran, e parti ei di e pintura tabata muha ainda!
Mi a kita literalmente un porshon di mi pintura ku e fèrnis. O, kon mi kurason a sak den otro. Mi a sinti manera mi a kaba di destruí loke Dios a yuda mi hasi. Mi a yora i a sinti malu di paden. Sinembargo, mi a hasi típikamente loke tur hende lo a hasi den un situashon manera esaki: Mi a yama mi mama. Na un manera sabio i kalmu el a bisa, “lo bo no haña bek loke bo tabata tin, pero hasi lo mihó ku bo por ku loke bo tin.”
I mi a partisipá, pa Kristin M. Yee
Pues mi a hasi orashon i a supliká pa yudansa, i a pinta durante anochi pa drecha kosnan. I mi ta kòrda mi mes mirando e pintura den mainta—e tabata mustra mas mihó ku promé. Kon esaki por ta posibel? Loke mi a pensa ku lo tabata un eror ku por a wòrdu drechá, tabata un oportunidat pa Su miserikordia wordu manifesta. E no tabata kla ku e pintura, i E no tabata kla ku mi. Ki goso i alivio a yena mi kurason. Mi a alabá Señor pa Su miserikòrdia, pa e milager aki ku no a solamente salba e pintura pero a siña mi mas tokante Su amor i poder pa salba kada un di nos for di nos erornan, debilidatnan i pikanan i yuda nos bira algu mas.
Meskos ku e profundidat di mi gratitut pa e Salbador a krese ora ku milagrosamente El a yuda mi pa drecha e pintura “ireparabel”, asina mi amor i gratitut personal pa mi Salbador a intensifiká, komo mi a buska pa traha kunÉ riba mi debilidatnan i wòrdu pordoná pa mi erornan. Semper lo mi ta agradesido na mi Salbador ku mi por kambia i wòrdu limpia. E tin mi kurason, i mi ta spera di hasi loke sea E lo kier pa mi hasi i bira.
Arepentimentu ta permití nos sinti Dios Su amor i konosé i stim’e den maneranan ku di kontrario nunka nos lo a sa. Di e muhé ku a ungi e Salbador su pia, El a bisa, “Su pikánan, kual ta hopi, ta pordoná; paso el a stima asina tantu: pero esun ku wòrdu pordoná poko, lo stima poko tambe.” El a stima Jesus asina, tantu ku El a pordon’é asina tantu.
Tin asina un alivio i speransa den sa ku nos por purba atrobe —ku manera Elder David A. Bednar a siña, nos por risibí un remishon kontinuo di nos pikánan pa medio di e poder santifikado di e Spiritu Santu segun nos ta arepentí sinseramente.
E poder redimido di JesuCristo ta un di e bendishonnan mas grandi di nos kombenionan. Refleshoná riba esaki ora ku bo ta partisipá di ordenansanan sagrado. Sin djE, nos no por a regresá kas den presensia di nos Tata Selestial i esnan ku nos stima.
Mi sa ku nos Señor i Salbador, JesuCristo, ta poderoso pa salba. I e Yu di Dios ku a ekspia pa e pikanan di mundu i a dunaSu propio bida i tum’é bek, E tin e poder di redenshon i resurekshon. El a hasi inmortalidat posibel pa tur i bida eterno pa esnan ku skohe. Mi sa ku pa medio di Su sakrifisio di ekspiashon nos por arepentí i di bèrdat wòrdu limpia i redimí. E ta un milager ku E ta Stima abo i ami den e forma aki.
El a bisa, “Lo bo no bolbe na mi, i arepentí di bo pikánan, i sea kombertí, pa mi por sana bo?” E por sana e “partinan destruí” di bo alma —e partinan ku a bira seku, duru i desolá pa piká i skuridat, i hasi [bo] desierto manera Eden.”
Meskos ku nos no por komprondé e agonia i profundidat di Cristo su sufrimentu den Getsemani i na krus, asina nos no por midi e límitenan ni sikiera e profundidat di [Su] pordon divino, ” miserikòrdia, i amor.
Tin momentu ku bo por sinti ku e no ta posibel pa wòrdu redimí, ku kisas bo ta un eksepshon di Dios su amor i e Salbador su poder ekspiatorio dor di loke bo ta luchando kuné òf loke bo a hasi. Pero mi ta testifiká ku bo no ta for di e Maestro su alkanse. E Salbador “a baha bai bou di tur kos” i ta den un posishon divino pa halsa bo i saka bo for di e abismo di mas skur i hiba bo den “Su lus maravioso.” Pa medio di Su sufrimentu, El a traha un manera pa kada un di nos surpasá nos debilidatnan personal i pikanan. “E tin tur poder pa salbakada hende ku kere den su nòmber i duna fruta digno pa arepentimentu.”
Manera a rekerí trabou i suplikamentu pa yudansa di shelu pa drecha e retrato, e ta rekerí trabou, sinseridat di kurason i humildat pa trese “dilanti fruta digno di arepentimentu. E frutanan aki inkluí ehersementu di nos i konfiansa den JesuCristo i Su sakrifisio ekspiatorio, ofresé na Dios un kurason kibrá i kontrito, konfesando i bandonando piká, restorando e loke a wòrdu dañá lo mas mihó ku nos por, i lucha pa biba rekto.
Pa arepenti di berdat i kambia, nos mester wordu “konvensí prome di nos pikanan.” Un persona no ta mira e nesesidat di usa remedi a menós ku nan kompronde ku nan ta malu. Lo tin okashonnan ku nos lo no ta habrí pa wak nos mes i mira loke realmente tin mester di sanashon i kambio.
Den C. S. Lewis’s su skirbí, Aslan ta dirigí e palabranan aki na un hòmber ku a embroyá su mes den su propio dispositivonan: “O, [humanidat], kon boso ta defendé boso mes for di tur loke por ta bon pa boso!”
Unda ami i abo lo ta defendiendo nos mes for di e kosnan ku lo por ta bon pa nos?
Laga nos no defendé nos mes for di e bon ku Dios ta deseá pa bendishoná nos kuné. For di e amor di miserikòrdia ku E ta desea pa nos sinti. For di e lus i konosementu E ta deseá na otorgá nos. For di e sanashon ku e sa ku nos mester di dje. For di e relashon di kombenio profundo ku E ta purba pa tur su yunan.
Mi ta hasi orashon ku nos por pone un banda kualkier “arma di guera” ku nos a tuma konsientemente òf asta inkonsientemente pa defendé nos mes for di e bendishonnan di Dios Su amor. Armanan di orguyo —egoismo, miedu, odio, ofensa, komplasensia, husgamentu inhustu, yalurs—kualkier kos ku lo por stroba nos di stima Dios ku tur allnos kurasonnan i wardaturnos kombenionan ku nÉ.
Si nos honra nos kombenionan, Señor por duna nos e yudansa i poder ku nos mester pa tantu rekonosé i surpasá nos debilidatnan, inkluyendo e parásito spiritual di orguyo. Nos profeta a bisa:
“Arepentimentu ta e kaminda pa puresa, i puresa ta trese poder.”
“I o, kon nos lo bai tin mester di Su poder den e dianan ku ta bini.”
Manera mi retrato, Señor no ta kla ku nos ora ku nos kometé un eror, tampoko e ta hui ora ku nos tambaliá. Nos nesesidat pa sanashon i yudansa no ta un kargo pa E, pero e mesun motibu pa kual El a bin. E Salbador Mes a bisa:
“Mira, Mi a bini na mundu pa trese redenshon na e mundu, pa salba e mundu di pikánan.”
“Tur dos di mi brasa di miserikòrdia ta ekstendé na boso, i kualkier ku bini Mi lo risibí; i bendishoná ta esunnan ku ta bini serka mi.”
Pues bin—bin abo ku ta fatigá, kansá i tristu, bini i laga bo trabounan i risibí sosiegu den djÉ ku ta stima bo mas tantu. Tuma su yugo riba bo, paso E ta mansu i humilde di kurason.
Nos Tata Selestial i Salbador ta wak bo. Nan konosé boso kurason. Nan ta preokupá pa loke bo ta preokupá pe, inkluyendo esnan ku bo stima.
E Salbador por redimi e loke ku tabata perdí, inkluyendo kibra i relashonnan fraktura. El a traha un manera pa tur ku kai wòrdu redimí—hinka bida den loke ta sinti sin bida i sin speransa.
Si bo ta luchando ku un situashon ku bo ta pensa ku bo mester a surpasá pa aworaki, no entregá. Tin pasenshi ku bo mes, warda bo mandamentunan, arepentí hopi, buska e yudansa di lidernan si mester, i bai mas regular na e kas di Señor ku bo por. Skucha i pone atenshon na e suspironan ku E ta manda bo. E lo no bandoná Su relashon di kombenio ku bo.
Tabata tin relashonnan difísil i kompliká den mi bida ku mi a lucha kuné i a buska sinseramente pa mehora. Tin bes, mi a sinti manera ku mi tabata faya mas biaha ku no. Mi ta puntra mi mes, “mi no a drecha kosnan último? Di bèrdat mi no a surpasá mi debilidatnan?” Mi a siña ku tempu ku no nesesariamente mi ta defektuoso; mas bien, hopi bes tin mas trabou pa hasi i tin nesesidat di mas sanashon.
Elder D. Todd Christofferson a siña: “Sigur Señor ta hari ku esun ku ta deseá pa bin e huisio dignamente, ku ta traha resueltamente dia tras dia pa kambia nan debilidatnan ku forsa. Arepentimentu real, kambio real por rekerí intentonan ku ta ripití, pero tin algu refiná i santu den un lucha asin’aki. Pordon divino i salbashon ta fluha ku bastante naturalidat na un alma asin’aki.”
Kada dia ta un dia nobo yená ku speransa i posibilidatnan dor di JesuCristo. Kada dia ku ami i abo por yega na konosé, manera mama Eva a proklamá, e goso di nos redenshon,”e goso di wòrdu saná, e goso di sinti Dios Su amor infalibel pa bo.
Mi sa ku nos Tata den Shelu i e Salbador stima bo. Jesus ta e Salbador i Rendentor di tur humanidat. E ta bibu. Pa medio di Su sakrifisio ekspiatorio, e lasonan di piká i morto a wòrdu kibrá pa semper di manera ku nos por ta liber pa skohe sanashon, redenshon o bida eterno ku esnan ku nos stima. I mi ta testifiká di e kosnan aki den Su nòmber di JesuCristo, amen.