Enfoká riba JesuCristo i Su Evangelio
Ora nos ignorá e distrakshonnan di e mundu i enfoká riba JesuCristo i Su evangelio, nos ta un éksito garantisá.
Na 1996, e ekipo di futbòl maskulino Nigeriano a gana oro den e weganan Olímpiko tené na Atlanta, Georga, na Merka. Ora e fin a kaba, multitut di hende kontentu a subi e kayanan di e kada siudat i kada pueblo; e pais di 200 mión hende a wòrdu transformá instantaneamente den un selebrashon masivo na dos or di mainta! Tabatin un goso infektuoso, goso, felisidat, i ánimo den e airu ora hendenan tabata kome, kanta, i baila. Na e momentu ei, Nigeria tabata uní i kada nigeriano tabata kontentu di ta nigeriano.
Promé ku e Olimpiada, e tim aki a enfrentá diferente desafio. Ora e torneo a kuminsá, nan apoyo finansiero a wòrdu kitá. E ekipo a kontinuá sin e kitnan apropiá, lugánan pa praktiká, kuminda, i servisio di laba paña.
Jerome Prevost/Getty Images
Dado momentu, nan tabata kasi pa wòrdu eliminá for di e kompetensia, pero e ekipo Nigeriano a triumfa kontra di tur kontratiempo. Esaki momentu importante aki a kambia kon nan tabata mira nan mes. Ku e kreensia renobá, i ku esfuero individual i trabou duru den ekipo i un determinashon kontinuo, den union nan a ignorá distrakshonnan i enfoká riba ganamentu. E enfoke aki a laga nan gana medayanan di oro, i e nigerianonan a batisá nan komo e “e Ekipo Perfekto.” Ainda ta referí na e Ekipo Perfekto di e Olimpiada di 1996 kontinuamente den deporte Nigeriano.
David Cannon/Allsport/Getty Images
Asina e ekipo maskulino di futbòl a siña pa ignorá e vários distrakshonnan ku ta enfrentá nan, nan a enfoká riba nan meta, nan a logra mas ku nan a kere ta posibel i eskeprensiá gran goso. (Manera e sobrá di nos na Nigeria!)
Den un manera similar, ora nos ignorá e distrakshonnan di e mundu i enfoká riba JesuCristo i Su evangelio, nos ta ékstio garantisá mas ayá di loke nos por imaginá i por sinti goso grandi. Presidente Russell M. Nelson a siñá, “Ora e enfoke di nos bida ta riba … i JesuCristo i Su evangelio, nos por sinti e alegria sin importá kiko ta pasando—òf kiko no ta pasando—den nos bida.”
Ta mi orashon ku e Spiritu Santu lo yuda kada un di nos sigui Presidente Nelson su invitashon pa enfoká riba nos bida riba “JesuCristo i Su evangelio” p’asina nos por eksperensiá goso den Cristo sin importá kiko ta pasando—òf no ta pasando—den nos bida.
Vários relato den e Buki di Mormon ta deskribí individuonan ku a drecha nan bida dor di enfoká riba JesuCristo i Su evangelio.
Konsiderá Alma Hóben El a rebeldiá i bringa kontra di e Iglesia. Su tata, Alma, a hasi orahson i ayuná. I un angel a aparesé i a yama Alma Hóben pa arepentí. Na e momentu ei, Alma a kuminsá sufri “e dol`nan di un alma maldishoná.” Den e oranan mas skur, el a kòrda ku su tata a siñ’é ku Cristo lo bini pa ekspiá pa e pikánan di mundu. Ora su mente a apoderá di riba e pensamentu aki, el a roga na Dios pa miserikòrdia. Goso ta e resultado, un goso deskribí komo eskisito! Miserikòrdia i goso a bin na Alma pasobra e i su tata a enfoká riba e Salbador.
Pa parientenan ku tin yunan ku a bai den kaminda malu, buska kurashi! Na lugá di puntra dikon un angel no ta bin pa yuda bo yu arepentí, sa ku Señor a pone un angel mortal riba su kaminda: e obispu, un otro lider, òf un ruman ministrante. Si bo sigui ayuná i hasi orashon, si bo no pone un skema òf un tempu definí pa Dios, i si bo konfiá ku E lo ekstendé su man pa yuda, e ora ei—trempan òf mas lat—lo bo haña Dios ta toka e kurason di bo yu ora bo yu skohe pa skucha. Esaki t’asina pasobra Cristo ta goso—Cristo ta speransa;E ta e promesa “di kosnan bon ku ta na kaminda.” Pues konfia JesuCristo ku bo yu, pasobra E ta e fortalesa di kada mayor, i di kada yu.
Una bes el a eksperensiá goso den Cristo, Alma Hóben a biba ku e goso ei. Pero kon el a mantené e goso ei asta dor di difikultat i tribulashon? El a deklará:
“I for di e tempu ei asta te ku awor, mi a laborá sin kansa [pa] trese almanan na arepentimentu; p’ami por trese nan pa purba e goso grandi di kua ami a disfrutá. …
“… I … Señor ta duna mi gran goso den e fruta di mi labornan. …
“I mi a wòrdu apoyá den tribulashon i difikultatnan di tur tipo.”
Goso den Cristo a kuminsá pa Alma ora el a ehersé fe den djE i roga pa miserikòrdia. E ora ei Alma a ehersé fe den Cristo dor di laborá pa yuda otronan purba di e mesun goso. E labornan kontinuo aki a produsí goso den Alma asta den tribulashon i difikultatnan di tur sorto. Bo sa, “Señor stima esfuerso,” i esfuerso enfoká riba djE ta trese bendishonnan. Asta tribulashonnan severo por wòrdu “gulí den e goso di Cristo”
Un otro grupo di hende den e Buki di Mormon ku a hasi di JesuCristo i Su evangelio e enfoke di nan bida i a haña goso ta wòrdu hañá den e siudat di Helam—un lugá kaminda nan por a lanta nan yunan i disfrutá di ehersé nan religion libremente. E pueblo rekto aki bibando e bon bida a wòrdu hiba den sklabitut dor di gruponan di ladron i a kita nan derechi humano fundamental pa ehersé nan religion. Tin bia kosnan malu ta sosodé ku bon hende:
“El Señor considera conveniente disciplinar a su pueblo; sí, él prueba su paciencia y su fe.
“Sin embargo—quien pone su confianza en él será enaltecido en el postrer día. Si, i asina a pasa ku e pueblo aki.”
Kon e pueblo aki ta soportá nan tribulashonnan i nan sufrimentu? Dor di enfoká riba Cristo i Su evangelio. Nan problemanan no a definí nan; mas bien, kada un di nan a bira na Dios pasobra nan a definí nan mes manera un yu di Dios, un yu di kombenio, i un disípulo di JesuCristo. Ora nan ta kòrda ken nan tabata i yamá dor di Dios, nan ta risibí pas, fortalesa, i finalmente goso den Cristo:
“I Alma i su pueblo a … drama nan kurason na [Dios}; i E tabata konosé e pensamentu di nan kurasonnan.”
“I a sosodé ku e bos di Señor a bin na nan den nan aflikshonnan, bisando: Alsa boso kabesnan i ta di konsuelo, pasobra mi sa di e kombenionan ku boso a hasi ku mi; i ami lo hasi kombenio ku mi pueblo i saka nan for di sklabitut.”
Komo kontesta, Señor a “hasi nan karga mas lihé … riba [nan] skouder. … Si, Señor a fortalesé nan pa nan por karga nan karganan ku fasilidat, i nan a someté ku alegria i ku pasenshi na tur e boluntat di Señor.” Nota ku e Santunan a laga nan difikultat, sufrimentu, i tribulashonnan wòrdu gulí den e goso di Cristo! E ora ei, den su debido tempu, El a mustra Alma e kaminda pa nan hui, i Alma—un profeta di Dios—a guia nan na siguridat.
Ora nos ta enfoká riba Cristo i sigui Su profeta, nos tambe lo wòrdu guiá na Cristo i e goso di Su evangelio. Manera Presidente Nelson a siña: “Goso ta poderoso, i enfokando riba goso ta trese Dios su poder den nos bida. Meskos ku den tur kos, Jesu Cristu ta nos ehèmpel mas grandi, ‘ken ku pa e alegria ku a wòrdu pone dilanti di dje a wanta e krus.’ [Hebreo 12:2].”
Resientemente mi mama a fayesé; e tabata un shòk. MI stima mi mama i no tabata planiá di pèrdé dje yòn ei. Pero durante su fayesimentu, mi famia i ami a eksperensiá doló i goso. Mi sa dor di Cristo, ku e no ta morto—e ta bibu! I mi sa ku dor di Cristo i e yabinan di saserdosio restorá na su Iglesia pa medio di e Profeta José Smith, ami lo por ta kuné atrobe. E doló di pèrdè mi mama a wòrdu gulí den e goso di Cristo! Mi ta siñando ku pa “pensa Selestial” i pa “laga Dios prevalesé” ta inkluí enfoká den e goso disponibel den Cristo.
Jesus a invitá nos ku amor, “Bini serka mi, tur ku ta kansá i kargá, i ami lo duna boso sosiegu.” Den e nòmber di JesuCristo, amèn.