Vakasama ni lotu vakamatavuvale

Sa rawa me taurivaki na veivakasama oqo ena gauna ni kalasi ka vakakina ena vuvale.

“Na Sakaramede—kei na kena Solibula,” t. 10: Kerei ira na lewe ni matavuvale yadua me ra bobo. Kerei ira na lewe ni matavuvale me ra raitayaloyalotaka na siga era a papitaiso kina, nodra vakayagataka na sakaramede, kei na dua na ivakaraitaki ni nona bula na iVakabula. Era tautauvata vakacava na veika oqo? Ni oti na nomu talanoataka na veika a vulica rawa o Elder David B. Haight ni a sega ni vakilai koya tu, sureti ira na lewe ni matavuvale me ra vakamacalataka na kena vakaibalebaletaki tiko na sakaramade ki na nona solibula na Karisito. Me vakasamataki eso na sala me vakananumi kina na iVakabula ni vakayagataki na sakaramede.

“E Tolu na iVakasala Vei Ira na iTabagone Qase Cake,” t. 26: Me ra droinitaka na lewe ni matavuvale e dua na iyaloyalo ni nodra bula ena yabaki 20 mai oqo. Me ra qai vakamacalataka ka veivosakitaka na veika era sa nuitaka tiko ni ra na rawata vakaidina. Wilika na ivakasala nei Elder Earl C. Tingey ka na vukei ira me ra tuvanaka nodra bula marau.

“Na Galala Mo Danisi,” t. 32: Kerei ira na lewe ni matavuvale me ra vola na ituvatuva era gadreva me ra rawata vakaidina. Sureti ira me ra wasea na veivakasama me ra kila rawa kina na nodra dui sasaga. Wilika ka veivosakitaka na digidigi nei Mavi me rawata vakaidina kina na nona inakinaki. Vakamatatataka na veivakasama kei na itovo savasava ka ka bibi kina na kena rawati vakaidina na noda inakinaki.

“Na Katuba ni Lomalagi,” t. 40: Me ra kauta mai na lewe ni matavuvale na iyaya talei eso ka me ra wasea na vuna era vakamareqeti ira kina na iyaya oqo. Wasea na kedratou italanoa e lewe va na marama ni Idia. E ka vakamareqeti vakacava vua na Turaga na noda ikatini? Wasea na veika a yaco ena siga ni vakatabui ni valenilotu mai Idia. Era a vakalougatataki vakacava na tamata ena nodra sauma na nodra ikatini? Me raici ka veivosakitaki na yalayala e vakayacora o Elder H. Bryan Richards ni kena saumi vakadodonu na ikatini.

“Na Veivakauqeti ni Dua na Tina,” t. T14: Vakaraitaka e dua na iyaloyalo ni dua na matavuvale. Veivosakitaka na nona itavi ni veivakasalataki o tina kivei ira yadua na lewe ni matavuvale. Talanoataka na veidusimaki nei tinai Elder Carlos H. Amado vua me na papitaiso ka me kaulotu. Me ra cakava na lewe ni matavuvale na kadi me nei tinadra, ka me ra vakavinavinakataka tiko kina na nona veivakauqeti.