The Testaments of One Fold and One Shepherd Sa tu ena DVD

Ni oti e lima na yabaki na kena vakaraitaki tiko ena Joseph Smith Memorial Building e Salt Lake City, Utah, ena nodratou vakatulewa na Mataveiliutaki Taumada, sa vakarautaki tu ena gauna oqo ena DVD na iyaloyalo na The Testaments of One Fold and One Shepherd (Na Veiyalayalati ni Duabau na Qelenisipi ka Duabau na iVakatawa) ena veisitoa ni Lotu.

The Testaments of One Fold and One Shepherd e dua na italanoa ka vakaraitayaloyalotaki kina na nona veiqaravi vei ira na kai Isireli makawa na Karisito kei na Nona rairai vei ira na kai Amerika makawa, me vaka e talanoataki ena rua na veiyalayalati, na iVolatabu kei na iVola i Momani. E muria na matavuvale vakaitalanoa nei Ilami ena nodra vakadinadinataka na ivakatakilakila kei na nona lako mai na iVakabula ki Amerika.

Ena ivakamacala taumada ni iyaloyalo, e vakamacalataka kina ko Elder Neil L. Andersen ena Vitusagavulu, “Na inaki ni iyaloyalo me vakadeitaki ni Luve ni Kalou ko Jisu, ‘na rarama ka vu ni bula kei vuravura,’ ka me vakaraitaka na kena revurevu mana na iVakabula ena nodra bula o ira era vakabauti Koya.”

E taura e sivia vakalailai na rua na yabaki na kena caka tiko na iyaloyalo ka gadrevi kina na vakadidike vakarabailevu sara ena itovo vakavanua makawa kei Amerika. A tabaki e Utah, California, kei Awai ena 57 na vanua, na kena e levu duadua e vaka e dua na rara ni rakavi. Era matanataka na italanoa e 48 na lewe ni yaloyalo, 52 na veitokoni, kei na sivia e 1,000 na kena ikuri. Era vakatagi kina na Mataivakatagi ni Lomanibai ni Valetabu kei na Tabernacle Choir.

Na iyaloyalo ka 65 na miniti (item no. 01607) sa tu ena DVD ni veimataqali vosa ena veisitoa ni Lotu e vuravura raraba ena 18 na vosa (Matanataki ena Liga vaka-Amerika, Canton, Danish, Dutch, Valagi, Finiladi, Varanise, Jamani, Itali, Japani, Korea, Mandarin, Nowei, Potukali, Rusia, Sipeni, Suwiteni, kei Ukraine).