Vakacaucautaki na Matasere ni Tabernacle ena iLoloma na Mother Teresa

A kaya ena dua na gauna na marama o Mother Teresa ka sa bale, “Sa waloloi tu na vuravura sega walega ena viakana, ia me baleta talega na veika totoka.” Ena Noveba ni 2006, a soli kina ki na Matasere na Mormon Tabernacle e dua na iloloma ka vakayacani vua, ka me vakacaucautaki kina na “veika era sa rawata ko ira era dau vakarairaivinakataka na vuravura, vakauasivi ena buturara vakalotu, na veimaliwai dodonu, kei na cakacaka ni liga.”

“Oqo duadua na matasere sa tarai vuravura taucoko na kena totoka,” e kaya ko Dan Paulos, na dairekita ni St. Bernadette Institute of Sacred Art, ka a solia na iLoloma na Mother Teresa. “E levu na matasere era tu ia e sega ni dua me vakasakiti cake. Oqori na iloloma ni Kalou, ka dodonu me wasei ki vuravura.”

Era a vakacaucautaki na lewe ni matasere ena dua na soqo rawarawa ni oti na kakaburaki vakamacawa ni iVakatagi kei na iVunau ena Sigatabu, na ika 19 ni Noveba, 2006. A solia na iloloma ko na iTalatala Joseph Mayor, na iTalatala Liu ni Valenilotu na Madeline, ka rau ciqoma ena vuku ni matasere ko Mac Christensen, na kena peresitedi, kei Craig Jessop, na dairekita ni ivakatagi.

“Sa ka dokai vei keirau me keirau ciqoma na iloloma oqo ena vukudra kece sara era solia wale na nodra gauna me ra lewena na matasere. Sa ka dokai talega vei keimami na neimami nanumi ena dua na iloloma ka vakayacani vua na marama yalododonu, o Mother Teresa,” e kaya ko Scott L. Barrick, na manidia levu ni matasere.

A tauyavutaka na isoqosoqo na parokaramu ni isolisoli oqo me “vakacaucautaki kina vakadodonu na rawa ka vakayalo ena vuravura vakayago oqo.“

Na matakau e ivakatakarakara vakavoui kei Mother Teresa. E dau vakatututaki ko ira me ra taura mai vei ira na lewenivanua ka ra digitaki mai vei ira na Matabose Liu ni iLoloma na Mother Teresa.

Na matasere taucoko e ra solia wale na nodra gauna, era okati kina e 350 na turaga kei na marama ka ra matataka e vuqa na draki ni bula, na duidui ni cakacaka, kei na yabaki ni bula. Sa kilai e vuravura taucoko na matasere oqo ena vuqa na kena katokatoni, na nodra lagasere wavoki e veivanua, kei na kakaburaki vakamacawa ena retio kei na retioyaloyalo.

O ira era sa taura oti na isolisoli oqo e okati kina na Tui Tabu ko John Paul II, Maya Angelou, Nelson Mandela, kei Jimmy Carter.