Elder Gerrit W. Gong

Ena Vitusagavulu

E kila tu o Elder Gerrit Walter Gong na kaukauwa ni masumasu ka vakakina ni tu e dua na nona navunavu o Tamada Vakalomalagi me baleti ira na Luvena. Ena gauna a se gone kina o Elder Gong, a tauvimate bibi sara ena dua na gauna o tinana. E a nanuma na nona a masu “ena nona vosa kei na ka e vakila vaka-dua na gonetagane lailai” me bula rawa kina o tinana.

“Sa dau saumi na masu ena sala e duidui ena veigauna duidui ena noda bula, ia ena dua na gauna o ya, ena vakavinavinaka, au a vakila, kau kila ni na vinaka cake mai o koya,” a kaya o Elder Gong. “Au a sega ni dau vakataratututaka mai na gauna o ya ni daurogoca na noda masu na Tamada Vakalomalagi, ka dau sauma ena Nona yalomatua kei na sala, vakaikoya.”

E se vakila tikoga o Elder Gong me yacova mai oqo na veitaratara malumu o ya kei na dua na Tama dauloloma, me okati kina ni kaya ena nona mai vakamautaki watina, qarava cake nona matavuvale, kei na vakatulewataki ni vuli kei na cakacaka, vakakina na veiqaravi ena Lotu.

Ni bera ni mai kacivi ki na iMatai ni Kuoramu ni Vitusagavulu, a veiqaravi tu vaka lewe ni matabose e cake o Elder Gong, iliuliu ni ilawalawa ni bête levu, daunivakasala ena mataveiliutaki ni Matawilivola ni Sigatabu, qasenivuli ni semineri, bisopi, ka peresitedi ni kaulotu ni iteki, peresitedi ni iteki, kei na Vitusagavulu ni iWasewase.

Vakacakacaka, sa veiqaravi oti vaka-iVukevuke Digitaki ki na iKarua ni Sekeriteri ni Vanua ena U.S. State Department ka vaka- iVukevuke Digitaki vua na Mata ni Amerika e Beijing, Jaina. E a taura tale tu ga eso na itutu ena Valenivolavola ni iTuvatuva kei na Vuli Raraba (CSIS) e Washington, D.C., e Merika. Ena gauna a kacivi kina, e a cakacaka tiko vaka-ivukevuke vua na peresitedi ni Univesiti na Brigham Young ena itavi ni navunavuci kei na vakatulewa.

A sucu vei rau o Walter kei Jean Gong o Elder Gong ena Tiseba ni 1953 ka susugi cake e Palo Alto, California. A rawata na nona koroi ni bejala mai na Univesiti na Brigham Young ena univesiti vakakina na veivuli tale eso mai na veivanua vaka-Esia (Asian studies). A qai rawata talega e muri e dua na koroi cecere ni vuku (master’s degree) kei na dua na PhD ena veimaliwai raraba mai na Univesiti e Okosivote, na vanua ka gonevuli (Rhodes Scholar) tiko kina.

E a veiqaravi ena Tabana ni Kaulotu na Taiwan, ni oti o ya ka vakamautaki Susan Lindsay ena Valetabu na Salt Lake ena Janueri ni 1980. E va na luvedrau tagane na Gongs.