Lipooti ‘a e Potungāue ʻAotita ʻa e Siasí, 2009
Ki he kau Palesitenisī ʻUluaki ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní
Siʻi Ngaahi Tokoua: Hangē ko ia ʻoku fakamatalaʻi ʻi he fakahā he vahe 120 ʻo e Tokāteline mo e Ngaahi Fuakavá, ko e Fakataha Alēlea ki Hono Fakaʻaongaʻi ʻo e Vahehongofulú, ʻoku nau fakamafaiʻi ʻa e fakamole kotoa pē ʻoku fai meí he paʻanga ʻa e Siasí. ʻOku kau ki he fakataha alēlea ko ʻení ʻa e Kau Palesitenisī ʻUluakí, Kolomu ʻo e Kau ʻAposetolo ʻe Toko Hongofulu Mā Uá pea mo e Kau Pīsopeliki Pulé. ʻOku fakangofua foki ʻe he fakataha alēlea ko ʻení ʻa e patiseti ki he ngaahi potungāue ʻa e Siasí pea pehē ki hono fakalelé. ʻOku fakaʻaongaʻi ʻe he ngaahi potungāue ʻa e Siasí e paʻangá ʻo fakatatau mo e ngaahi tuʻutuʻuni pea mo e founga ngāue ʻa e Siasí.
Kuo fakaʻatā ki he Potungāue ʻAotita ʻa e Siasí e ngaahi lēkooti mo e ngaahi polokalama kotoa pe ʻoku fie maʻu ke vakaiʻi ʻaki ʻa e totonu ʻo hono puleʻi ʻo e paʻanga ʻoku hū maí, ngaahi fakamolé pea pehē ki hono maluʻi ʻo e ngaahi koloa ʻa e Siasí. ʻOku ʻikai fakafalala e Potungaue ʻAotita ʻa e Siasí ki he ngaahi potungāue mo e ngaahi ngāue kehe ʻa e Siasí pea ʻoku kau ki he ngāue fakaʻaotita ʻa e Siasí ha kau tauhi tohi kuo fakamoʻoniʻi ʻenau feʻunga ke fai ʻa e ngāue fakatauhi-tohí, kau ʻaotita fakalotoʻi Potungāue kuo ʻosi fakamoʻoniʻi, kau ʻaotita ki he fakamatala fakakomipiutá pea mo ha kau mataotao fakapalofesinale kehe kuo fakamoʻoniʻi.
Fakatatau mo e ngaahi ʻaotita kuo fakahokó, ʻoku malava ai e Potungāue ʻAotita ʻa e Siasí ke nau pehē ko e ngaahi nāunau kotoa pē, ngaahi fakamole kuo fakahoko pea mo e koloa kotoa pē ʻa e Siasí ki he taʻu 2009 naʻe lekooti pea fakaʻaongaʻi ia ʻo fakatatau mo e ngaahi founga fakatauhitohi totonu, patiseti kuo fakangofuá pea pehē ki he ngaahi tuʻutuʻuni mo e ngaahi founga ngāue ʻa e Siasí.
Fakahū atu ia ʻi he loto fakaʻapaʻapa moʻoni,
Potungāue ʻAotita ʻa e Siasí
Robert W. Cantwell
Talēkita Pulé