Ni Karaoa te Bwai ae Tamaroa ma Au Tai
N tabetai ao e rangi ni mwaitoro ao n tinoo n te tabo are ti maeka iai. N tabetai ao ti tiku ni mweengara n aki reirei ao n toka iaon te bwai ni katikera n te tinoo n ruorikaaki n te tabuki ae bubura ae kaan mamweengara. N te bongina, ngke ti a tauraoi ni karin ara kunnikai n tinoo, bwarara, ao nangoan baira, tinau e taku bwa e rangi ni mwaitoro ao e angang te nako tinaniku. I un ibukina bwa ti nang tiku inanon te auti. I a moanna ni ngurengure, ao tinau e taku, “Ko kainnanoa te waerake nakon am ruu ao ni kakaea te bwai ae tamaroa ma am tai.”
Ngke I a roko n au ruu, I iangoia taekan te bwai ae tangiria te Tia Kamaiu bwa N na karaoia. I baireia bwa N na kamatenanoa Taekan te Onimaki. Ngke I a ruorikaki imwiin tabeua te aoa, I tuanga tinau, tariu, ao mwaaneu bwa I a kabwara au bure ibukin uniu ao bwa I a tia ni kamatenanoa Taekan te Onimaki ni kabane. A rangi ni kubanako! I kamatenanoi taekaia ni kabaneibukiia ao n namakina te kukurei ae bati bwa I a tia ni kamanena au tai nae tamaroa.
I iangoia bwa te Tia Kamaiu e bon kukurei bwa I bareia bwa N na reiakina riki taekana ma te tai ae raka are I karekea n te ingabong ane. I kakaitau bwa E a tia n anganai aue utu ao booki aika tabu ni buokiira n reirei riki taekan Tamara are I Karawa ao Natina, Iesu Kristo.