E taku te Tia Kamaiu bwa tamnein te itabaraaraa bon mairoun te riaboro (taraa 3 Nibwaai 11:29). Tera te kaokoro imarenan te aki boraraoi ao te itabaraaraa?
E bon riai ibukiia aomata ni karekei taratara aika kakaokoro, ao iai taai ngke ana reirei Iesu Kristo a kainnanoia bwa a na tei n tokanikai iaon te kakaitara ibukin te bwai are ti kakoaua. Ma ti kainnanoia bwa ti na kaoti nnera n te kawai ae raoiroi ma ni koaua n aki un, ni mwamwangaingai ke ni kamatauninga. Ngaia are ti na kanga n totokoa te bobuaka n itabaraaraa?
Ko a bae n tia n ongo ae ti kona “n aki boraraoi ni bon akean te boraraoi.” Totokoan te itabaraaraa e moanaki man am mwakuri ao am iango. E taku te boki ae tabu bwa “ti te un ae riki n te kainikatonga” (Proverbs 13:10). Ngkana ko tabe riki ma taekan te “tokanikai iaon te kakauntaeka” ke “ni kan etieti,” tamnein te itabaraaraa e na bon roko.
Unimwaane Russell M. Nelson man te Kooram n Abotoro n te Tengaun ma Uoman e reiakin tabeua kawai n totokoa te itabaraaraa: (1) “kaota te tabeaianga n nanoanga ibukiia tabeman”; (2) “kaira te nano n taetae ke korea te nibwa un ibukin te raka ae onoti ke te mimitong”; ao (3) “n antaeka ma te nanorinao, n [tangira] raoi te Atua ni koaua.”1 Ngkanne ti kona ni karekea Tamnein te Uea n raoniira, tiaki tamnein te itabaraaraa.