Te Ninikoria ni Mare
E maeka te tia korokaraki i Stockholm, Sweden.
I reiakinna ni kabongana inaomatau ni karaoa te mwakuri irarikin are e na karaoaki te mwakuri nakoiu ngkana I karaoa te iango ae moan te tamaroa ni maiu.
Maing: kamatata n te korotamnei iroun Galina Peshkova; atai: kamatata n te korotamnei iroun Olena Kyrian/iStock/Thinkstock
Ngke I oki nakon mweengau i Sweden imwiin au mition, e reke au kaangaanga n te tai ae maan ma te mwaneka are imwiina inanon maiu—te mare n te tembora. E a manga kamatoa te Tamnei bwa I kainnanoia bwa N na moana au utu n ni karikai bwa te aomata ae I riai n riki nako iai. I kabanea au iango ae korakora iaon ae e na kanga n riki aei bwa te kabanea ni kakawaki n iango inanon maiu, bwa e ngae ngke I namakinna bwa I a tia ni karekea toau n te maiu are akea tokina, ao e a tia te Uea ni kariaia au rinerine, au onimaki e aki nanokokoraki. Ngai ma raou, ae Evelina, ti rinea te tai ibukin kabaeara n te tembora, ni kabaea ara tai ibukin ara mare, ao ni kaboi mwamwa ni kabaebae imwain ae ti katanoata ara tai ni mare—ibukin maku ni kabane ni motikia bwa N na mare. I tangiria bwa e na tuangai te Tama are i Karawa bwa N na mare ma Evelina ibukina bwa I maaku ibukin te iango bwa imwiina e uruaki ara mare. Te maaku ao te tataro ae aki eti e katukai ma te aki kakamwakuri ma au iango ae kakawaki e teimatoa n aki karaoaki.
Te Rinerine—ana Kawai te Uea
Ana wirikiriki te Tamnei ae Raoiroi n tokina e karika te kaokoro ngke I nakon Doctrine ao Covenants 58:26–29: “Ma ngaia ae, tiaki nanona bwa N na kairaki ni bwaai ni kabane; bwa ane e kaetaki ni bwaai ni kabane, ti tebo ma e [taningaroti]. …
“… A riai mwaane n tauraoi ni katabeaki ni bwaai aika raraoi, ao ni karaoi bwaai aika mwaiti n oin nanoia, ao ni karekea te raoiroi ae bati;
“Ibukina bwa e mena irouia te mwaaka, are bon ngaia taan tei ibukiia. …
“Ma ane e aki karaoa te bwai teuana ni karokoa ae tuangaki, ao ni karekea te tua ma te nano ae raraoma, ao ni kawakinna ma te taningaroti, ti tebo ma akea uaana.”
Ngke I tabe n iangoi raoi kiibu aikai, I karekea te ota n taben te rinerine n ana baire Tamara are i Kaawa, are e bita au iango ao n anganai te ungannano bwa N na waaki nako. E reirei Unimwaane Richard G. Scott man te Kooram n Abotoro ake Tengaun ma Uoman bwa ngkana ti karekei kairi mai ieta n akean ara kakamwakuri, ti na kabua “rikirakera i bon iroura ae kakawaki” are e roko “ngkana [ti] kekeiaki n reiakinna bwa ti na na kanga ni kairaki iroun te Tamnei.”1
Te Mwaaka ni Waaki Nako
I mwiina I kekeiaki ni kamwakura au onimaki ao ni karaoa te babaire, ao e kakabwaiai te Uea ma te onimaki n au konabwai n iango. I kunea bwa I riai “n tauraoi ni katabeaki. … ao ni karaoi bwaai aika mwaiti n oin [au] kantaninga”—n raonaki ma te katabeaki. E kaungaira te Uea bwa ti na kabongana mwakara kanga taan tei n tararuaira. Kabonganakin te mwaaka aei bon te anua ae riai ni bwainaki inanon maiura.
I kakoaua bwa e rangin n tangirira te Uea bwa e na norira ni kamwakura ara rinerine nakon ae norakira ni karaoi n tainako ara iango aika kororaoi. E a tia, n, anganiira bwaai ni mwakuri aika kainnanoaki ni karaoi rinerine aika tamaroa, riki ngkana e roko te tai are ko na rineia bwa antai ae ko na mare ma ngaia. N aron are e reirei Beretitenti Spencer W. Kimball (1895–1985), “a riai namakin n aki bairei iango ni kabane, ma te iango ao te nano, a kakorakoraki man te aki mamatam ao te tataro ao te babaire ae matoatoa, e na angan temanna reken a ana tai ni karaoa te mare ae kakukurei. E uoti ma ngaia karea, tibwauan, ao kakeakim ae korakora i bon iroum.”2
Ti teimatoa ni karekei kaetieti man booki aika tabu bwa ti na kanga ni karekea koauaia n tamnei: “Ko riai ni kamatebwaia n am iango; ngkanne ko riai n tuangai ngkana e eti, ao ngkana e eti ao N na kaota inanom; ngaia ae, ko na namakinna bwa e eti.
“Ma ngkana e aki eti e na akea iroun te aeka n namakin anne, ma e na reke iroum te iango ae ni mamate” (D&C 9:8–9). Tiaki ngaira ni kabane, ae, ti na rinanon te namakin inanora ni kaekaan koauan tamnein te Uea. Ti riai ngaira n tatabemanira nako n reiakinna ni kinai oin ara kawai ni karekei koaua aikai.3 Man irakin te banna aei, ao ti na karekea te onimaki n oin ara konabwai ni karaoi rinerine.
Tama are i Karawa e ata kainnanou inanou, tamneiu, ao au iango. E anganai koaua aikai, aika e karika te kaokoro. Ti a mare Ngai ma Evelina. Ti a tia ngkai ni karekea te kukurei n te maiu n utu inanon tabeua te ririki, ao iai natira aika teniman. I rangin ni kakaitau nakon te Uea ibukin au kakoaua ao tabena ni karika te iango ae moan te kakawaki inanon maiu.