Anganiira Baim!
Ni katoabong, ataei ni kabane ni katobibia te aonaaba a kaotia bwa a tabe nanoia ao a kakaai kawai ni buokiia iai tabeman!
Kuuoki ao Bwabete
Ara utu iai aia “tai ni mwakuri n ibuobuoki.” Tariu ma ngai ti karaoi bwabete ibukiia ataei ake a mena n te tabo are a kawakinaki iai ataei ake akea aia karo. Ti uotii naba mwakoron tiaokureti nakoia tabeman taan tia tiriai ao ni kaitiaki n te nei. I’kukurei bwa ti kona ni mwakuri n ibuobuoki!
Tobin P., ana ririki 9, Idaho, USA
Kuuna aika Kakukurei
Inanon ara bong ae onoti ni mwakuri n ibuobuoki ti kawara te tabo are a kamaekaaki iai aomata aika a aki kona n tararuaia ibon irouia. Ngke ti moanna n anenei kunan te Moanrinan ao tabeua kuuna, aomata a moanna n uboubou ao n irii ara anene. Tabeman mai buakoia a mwaie! Ti katikui ara irabwati ao ara kaati ake ti karaoi ibukiia.
Leiria Mwakoro, Portugal
Tamaroa riki nakon te Kiritimati
Tinau ao tamau a bon rangi ni kua imwiin te bong ae abwabwaki. I uatii ao ni kanakoi raurau ao ni kaitiaka te burooa, taibora, ao aon te tabo ni kuuka. Imwiina I kaitiaka te ruu ni katangaina ao te ruu n takakaro. Ngke a uti tinau ao tamau, a taku bwa e bon tamaroa riki nakon te Kiritimati!
Cambrie G., ana ririki 11, Georgia, USA
Titaoki inanon te Bwaoki ni Mwakuri
Aomata ake akea mweengaia a rangi ni mariri n te winta! Ti baireia bwa ti na boboti titaokin ni kamariri ibukiia aomata aika akea mweengaia inanon ara aono. Kairake n ataenimwaane ao n ataeinaine a ibuobuoki, ao n te tai ae e aki maan ao ara bwaoki n titaokin e a taorake ma bubua n titaokin ibukiia ake akea mweengaia!
Alberta, Canada