Baika Kainnanoaki A Kaungaia Ataein te Tieminari n Reita te Reirei

Baika kainnanoaki aika boou ibukin te angabeeba n te tieminari ake a na buokiia ataei “ni karikirakea aia reirei” a bon katauraoaki ni kabuta te Ekaretia. Baika kainnanoaki, are e na nooraki mwiia ni moan te ririki n reirei ni kamatebwaiakan te Doctrine ao Covenants ao Rongorongon te Ekaretia, n raonaki ma uoua bwaai aika moamoa aroia:

1. Ataein te Tieminari a kainnanoaki bwa a na wareka te boki ae tabu are a kamatebwaia ibukin te ririki, n reitaki ma karekean aia bwi ni boboto iaon rorokoia ao taekaia n te entotimente mairoun aia bitiobi ke beretitenti n te mwaanga. Te wareware n te boki ae tabu e a tia ni katuruturuaki n taai aike ngkoa, ma ngkai bon te bwai ae kainnanoaki ibukin te angabeeba.

2. A kainnanoaki ataei bwa a na bwaati uoua te ukebwai ni kanoan te kiraati inanon te ririki, ma te bwi ae tao 75 te batienti. Teuana te ukebwai ni kanoan te kiraati e na karaoaki nakon iteran te ririki ao te kauoua ni kabanean te ririki n reirei. A na iai rekereken ukebwai ma te atatai n tuan ao maiuakinan reirein te euangkerio n te maiu ni katoa bong.

Baika kainnanoaki aika boou n te tieminari—n ikotaki ma Preach My Gospel: A Guide to Missionary Service ao aia karikiram kairake n te Tabati, Nakomai, Iriirai—e na katauraoiia kairake n onimakinia riki i bon irouia inanon aia koaua, ni karababa aia atatai n te euangkerio, ao ni karikirakea aia konabwai n tibwa rabakauia ngkai a katauraoi ibukin maiuia n ibuobuoki ao n riki bwa ana reirei

N tokin nako te ririki, ataein te reirei a na karekea tao aia beeba ni kaotia bwa a bwanin raoi baike a kainnanoaki mairouia (n raonaki ma te wareware ao te ukebwai) ke te beeba ni kinaaki ni kaotia bwa a bane n rinanon te roroko.