Rongorongon Reirei ni Kakawari
Anuan Iesu Kristo: Te Nati ae Ongotaeka
Tataromwaaka ni kamatebwaia te bwai n reirei aei ao n ukoukoria n ataia bwa tera ae ko na tibwauaia. E kanga am atatai ni maiun ao ana mwakuri te Tia Kamaiu ni karikirakea am onimaki Irouna ao ni kakabwaiaia naake ko tararuaia rinanon te reirei ni kakawari? Ibukin rongorongona riki tabeua, nakon reliefsociety.lds.org.
Onimaki, Utu, Buoka
Irirakin ana banna ni katoto Iesu Kristo n te ongotaeka e karaka riki ara onimaki Irouna. “E maroaka,” e taku Unimwaane Jeffrey R. Holland man te Kooramn n Abotoro n te Tengaun ma Uoman, “ae Kristo e rineia moa ao ni rimoa ni kabwarabwara ana reitaki nakon tamana—bwa e tangiria ao e ongotaeka irouna ao e anga ngaia nakoina n aron te nati ae onimakinaki ngaia? … Ongotaeka bon te moan tua i karawa.”1
Koroboki aika tabu a reirei “ngkana ti karekea te kakabwaia teuana mairoun te Atua, bon man te ongeaba nakon te tua are e aanaki iai” (D&C 130:21). Rikirakera n te maiu n tamnei e reke ngkana ti kaniira riki nakon te Atua rinanon te ongotaeka ao ni kaoa mwaakan ana Mwakuri ni Kamaiu te Tia Kamaiu inanon maiura.
“Ngkai ti ongotaeka nakon reirei ao tuua n ana euangkerio Iesu Krito,” e taku Unimwaane D. Todd Christofferson man aia Kooram Abotoro n te Tengaun ma Uoman, ti kukurei n reitinakon bwaron kakabwaia ake e berita iai te Atua n Ana berita ae tabu ma ngaira. Kakabwaia akanne a karekea te bwai are ti kainnanoia ni karaoia nakon are ti tii tuangaki bwa ti na karaoi inanon mwanangara n te maiu. … Te ongotaeka e anganiira riki te kona ni kairii maiura, te konabwai riki ni kona n roko ao n nako, ni mwakuri ao ni karikibwai.”2
Rakan riki Booki aika Tabu
Man Koroboki aika Tabu
“E kona te korakora n te maiu n tamnei are e reke man te teimatoa n ongotaeka nakon tuua n anganaki temanna te aomata?” kaeka Unimwaane David A. Bednar man te Kooram n te Tengaun ma Uoman n Abotoro. “Te kaeka ae mataata … bon tiaki.”3
Taeka ni kaikonaki irouia kiibono ake tengaun bon te katoto n te reirei aei. Ngkai ni kabane kibono a ana aia taura bwa ana “nako ni butimwaea te tia iein,” ti niiman ake a wanawana a uoti bwaan aia taura. Naake niman a nanobaba bwa “aki ua b’a.”
Ao ngke e a nukanibong, ao e takarua te aba ni kangai: “Noria, te tia iein, kam na otinako ni butimwaia.” Ao a bane n tei rake kibono akekei, ao a kauramwakai aia b’ae, ao a taku naake a nanobaba nakoia naake a wanawana, “Kamai teutana n ami b’a, bwa a kani mate ara b’ae.”
Ao a kaeka naake a wanawana ni kangai, “Tao e aki tau nako imi ao nako ira: ma kam na nakoia tani kabo b’a ni kaboi ami b’a.” Ao ngke a nako ni kaboa te b’a, ao e roko te tia iein; ao a rin ma ngaia n te baka nake a tauraoi aia b’ai ao e a “bonotaki naba te mataroa”