Kakaewenako ni Karinan Aara n ana Kakae te Utu E Katea te Rekooti

Taan ira waakin te kakaewenako ni karin ara n te aonaaba a katea te rekooti ae boou ibukiia taan karin n ana kakae te utu aonraain n te bong teuana. N te mwaiti ae 66,511 taan anganano a nako n intanete n Turai 22, 2014, n noori tamnein rekooti aika kakaongora ao ni kaewea te rongorongo ibukin te karinrin ni kakaean te tatabeiti iaon te FamilySearch.org. Te rekooti inanon tebongina mai imwaaina bon 49,025 taan anganano are e kateaki n Turai 2012 n te rietata ae 1940 U.S. Te ware iaon te konabwai ni karin ara.

Te kakaewenako aei e karekea te kauoua n rietata n ikotaki ma (aara aika karinaki ke rekooti n aara aika karinaki) n ikotan mwaitin rekooti n aara aika karinaki, n roko iaon 5.7 te mirion. (Rekooti n tatabeua a karinaki irouia uoman taan anganano ao ngkanne e a manga rinanoaki iroun te kateniman n anganano, ae aranaki bwa te tia taumwiin aara aika karinaki, ni kaotia bwa e booraoi ao eti.)

“Ara membwa, aika ataei ao aika ikawai, a tia n iri ma te nano ae kukurei,” e taku Bitiobi Crouet n te taetae n Toulouse, Buranti. “Bon te mwakuri ae tamaroa.”

E taku Christopher Jones mai Wales, “Ti bairei ara bootaki n utu n te tairiki bwa ti aonga ni kona ngaira ni kabane ni karin ara aara―uoman kaaro ao itiman ataei n ririki aika 18 nakon 5. Ni warekaia aomata ni kabane, bwa kanga te utu ti karin aara n riaon te mwaiti ae 900 te rekooti!”

Natalie Terry mai Bangkok, Thailand, e taku bwa e nano ni bongin karinan aara are e karaoaki n te aonaaba ae bwanin ma natina te aine ae 13 ana ririki. Ao Chris Shead mai Chorley, Engiran, e taku bwa e kona ni kunei mwaitin aran te utu ae 30, n raonaki ma, “te ataeinaine ae uarereke are mate imwiin ana bwabetito ao e aki karinaki taekana n tauanmwiin te ware.”