Makahinulsol ug Makapasaylo Kamo

Human kamo mabunyagi ug makumpirmahi, kamo responsable sa pagpili sa matarung. Kon kamo makabuhat og sayop, ania kon unsaon sa paghinulsol aron kamo makahimo og mas maayo!

• Paghunahuna kon unsay inyong gibuhat.

• Pangayo og pasaylo ug paghimo og butang aron mahimo kini nga mas maayo. Kon kamo nagkinahanglan og tabang, pakigsulti sa ginikanan mahitungod niini.

• Pag-ampo ngadto sa Langitnong Amahan. Hangyoa Siya sa pagpasaylo kaninyo ug pagtabang kaninyo nga makahimo og mas maayo sa sunod.

• Kamo napasaylo! Paningkamuti ang pagbuhat unsay gusto sa Langitnong Amahan nga inyong buhaton.

Kon ang usa ka tawo dunay gihimo nga makapasuko ninyo, ania kon unsaon sa pagpasaylo aron mobati nga mas maayo!

• Sulayi sa paghunahuna kon nganong ang laing tawo mibuhat sa unsay iyang gibuhat.

• Paghunahuna og usa ka butang nga maayo mahitungod sa laing tawo.

• Pag-ampo alang sa panabang sa pagpasaylo kon kini lisud.

• Ayaw pagsige og kasuko sa tawo.

Mga paghulagway pinaagi ni Hollie Hobert