Mga Ideya sa Family Home Evening

Kini nga isyu naglangkob og mga artikulo ug mga kalihokan nga magamit alang sa family home evening. Ang mosunod mao ang duha ka ideya.

“Mga Disipulo ug Pagdepensa sa Kaminyoon,” pahina 18: Ikonsiderar kon sa unsang paagi kamo mahimong “tigdepensa sa kaminyoon” sa inyong panimalay. Kamo ba naghisgot sa inyong mga anak kabahin sa ilang kaminyoon sa umaabut o kon sa unsang paagi ang panglantaw sa Simbahan kabahin sa kaminyoon lahi kaysa panglantaw sa kalibutan? Kamo ba mipakigbahin sa inyong mga pagbati kabahin sa kaminyoon ngadto sa inyong mga anak? Nakatudlo ba kamo nila sa mga pagtulun-an sa mga propeta ug apostoles kabahin sa kaminyoon? Panahon sa family home evening, ikonsiderar sa paghisgot niining mga hilisgutan, gamit ang “Ang Pamilya: Usa ka Pamahayag ngadto sa Kalibutan” (Liahona, Nob. 2010, 129).

“Paglukop sa Yuta pinaagi sa Social Media,” pahina 48: Human og basa niining artikulo, hisguti isip pamilya kon unsaon ninyo, sama sa giingon ni Elder Bednar, “mogamit sa social media sa pagpasabut sa mga mensahe sa ebanghelyo,” nga nagsunod sa mga giya nga iyang gisugyot. Mahimo mo nga mopakigbahin og mga kinutlo gikan sa mga General Authority diha sa inyong Facebook page o mag-post og litrato sa inyong paboritong kasulatan diha sa Instagram. Gani ang inyong pamilya makahimo og inyong kaugalingong hashtag nga gamiton kon mag-post og mga litrato o mga kinutlo kalabut sa ebanghelyo (sama sa mga miyembro nga nagsugod sa #LDSconf hashtag).