យោបល់សម្រាប់រាត្រីជួបជុំក្រុមគ្រួសារ
ច្បាប់នេះមាននូវអត្ថបទ និង សកម្មភាពនានាដែលអាចយកទៅប្រើប្រាស់សម្រាប់រាត្រីជួបជុំក្រុមគ្រួសារ ។ ខាងក្រោមនេះគឺជាឧទាហរណ៍ពីរ ។
« កាបូបលុយវេទមន្ដ » ទំព័រ ៧២ ៖ អ្នកអាចចាប់ផ្តើមរាត្រីជួបជុំក្រុមគ្រួសារដោយច្រៀងបទ « ជ្រើសផ្លូវត្រូវ » ( ទំនុកតម្កើង លេខ ១៤៨ ) អ្នកអាចដើរតួក្នុងស្ថានភាពដើម្បីជ្រើសផ្លូវត្រូវជាមួយគ្រួសារបស់អ្នក ។ ឧទាហរណ៍ តើអ្នកនឹងធ្វើដូចម្តេច ប្រសិនបើអ្នកត្រូវបានល្បួងឲ្យលួចចម្លងពេលប្រឡង ឬដកនរណាម្នាក់មិនឲ្យចូលរួមក្នុងសកម្មភាពអ្វីមួយនោះ ? សូមធ្វើឲ្យស្ថានភាពទាំងនោះដូចជារឿងផ្ទាល់ខ្លួន ដើម្បីត្រូវនឹងស្ថានភាពរបស់គ្រួសារអ្នក ។
« តើក្រុមប្រឹក្សាគ្រួសារជាអ្វី ? » ទំព័រ ៧៤ ៖ ដើម្បីរៀបចំសម្រាប់ក្រុមប្រឹក្សាគ្រួសាររបស់អ្នកផ្ទាល់ អ្នកអាចបង្កើតច្បាប់ ឬគោលដៅសម្រាប់ក្រុមប្រឹក្សាគ្រួសារ ។ សូមឲ្យសមាជិកក្នុងគ្រួសារចែកចាយយោបល់របស់ពួកគេ ។ ច្បាប់ និងគោលដៅអាចរួមមាន ការបិទឧបករណ៍អេឡិចត្រូនិច ការស្តាប់គ្នា ការនិយាយអំពីព្រឹត្តិការណ៍ដែលនឹងកើតមានឡើង និងការដាក់គោលដៅយូរអង្វែងសម្រាប់គ្រួសារ ។ សូមធ្វើឲ្យក្រុមប្រឹក្សាគ្រួសាររបស់អ្នកក្លាយជារឿងផ្ទាល់ខ្លួន ហើយធ្វើវាឲ្យមានភាពរីករាយ ប្រយោជន៍ឲ្យសមាជិកគ្រួសារនឹងទន្ទឹងរង់ចាំដើម្បីធ្វើក្រុមប្រឹក្សាគ្រួសារ ។