របៀបដែលសារលិខិតសន្និសីទអាច ផ្លាស់ប្តូរជីវិតអ្នក
អ្នកនិពន្ធរស់នៅរដ្ឋយូថាហ៍ ស.រ.អា. ។
អ្នកពិតជាអាចប្រែក្លាយកាន់តែដូចព្រះយេស៊ូវគ្រីស្ទ ។ ឧបករណ៍ទាំងនេះនឹងជួយអ្នកឲ្យមើលឃើញពីរបៀបនោះ ។
តើអ្នកមានអារម្មណ៍ថា មិនសូវរឹងមាំខាងវិញ្ញាណដែរឬទេ ? តើអ្នកគិតថា អ្នកអាចប្រើប្រាស់ការណែនាំខាងវិញ្ញាណបានតិចតួចឬ ? ប្រាកដណាស់ អ្នកមានសំណាង ដោយសារសន្និសីទទូទៅជាអ្វីដែលអាចជួយអ្នកបាន ! អែលឌើរ រ៉ូបឺត ឌី ហែល ក្នុងកូរ៉ុមនៃពួកសាវកដប់ពីរនាក់មានប្រសាសន៍ ៖ « ខ្ញុំសូមសន្យានឹងសមាជិកសាសនាចក្រវ័យក្មេងថា បើអ្នកស្ដាប់ [ សន្និសីទទូទៅ ] នោះអ្នកនឹងទទួលអារម្មណ៍ពីព្រះវិញ្ញាណក្នុងចិត្ត ។ ព្រះអម្ចាស់នឹងប្រាប់អ្នកអំពីអ្វីដែលទ្រង់ចង់ឲ្យអ្នកធ្វើក្នុងជីវិតអ្នក » ។១
ហើយវាពុំបញ្ចប់នៅចុងសប្តាហ៍នៃសន្និសីទនោះទេ — អ្នកអាចបន្តទទួលព្រះវិញ្ញាណ តាមរយៈការសិក្សាសុន្ទរកថានានាបន្ទាប់ពីនោះផងដែរ !
សន្និសីទជួយយើងតាមរបៀបជាច្រើន ។ ប្រហែលជាអ្វីដែលសំខាន់បំផុតនោះគឺ វាជួយឲ្យយើងខិតកាន់តែជិតព្រះអង្គសង្គ្រោះ តាមរយៈការបង្រៀនយើងអំពីរបៀប ដើម្បីក្លាយឲ្យកាន់តែដូចទ្រង់ ។ របៀបមួយដែលយើងរៀនបានច្រើនបំផុតអំពីសន្និសីទគឺ ការផ្តោតចិត្តទុកដាក់យ៉ាងពិសេសលើការបង្រៀនអំពីលក្ខណៈដូចព្រះគ្រីស្ទ — ទោះជាអំឡុងពេលការចាក់ផ្សាយ ឬអំឡុងពេលអ្នកសិក្សាសុន្ទរកថាទាំងនោះនៅពេលក្រោយមកទៀតក្តី ។ ពេលអ្នកស្តាប់ ឬអានអំពីលក្ខណៈដូចព្រះគ្រីស្ទដោយប្រាកដប្រជាក្នុងគំនិត នោះព្រះបន្ទូល និងព្រះវិញ្ញាណអាចជួយអ្នកឲ្យរៀនអំពីរបៀប ដើម្បីឲ្យក្លាយកាន់តែដូចព្រះគ្រីស្ទ ។
អ្នកអាចឆ្លើយសំណួរទាំងនេះដើម្បីរកលក្ខណៈមួយ ឬពីរដែលអ្នកចង់ផ្តោតទៅលើ ពេលអ្នកសិក្សាសារលិខិតសន្និសីទ ។ ( សម្រាប់សំណួរបន្ថែមទៀត សូមមើល New Era, ខែ តុលា ឆ្នាំ ២០១៦ ឬជំពូក ៦ ក្នុង ប្រកាសដំណឹងល្អរបស់យើង ) ។
សម្រាប់លក្ខណៈដូចព្រះគ្រីស្ទទាំងប្រាំបួនខាងក្រោមនេះ សូមរើសយកការថ្លែងមួយដែលពិពណ៌នាយ៉ាងល្អបំផុតពីខ្លួនអ្នក ។
-
សេចក្ដីជំនឿ ៖
-
ខ្ញុំពុំប្រាកដឡើយ ប្រសិនបើព្រះយេស៊ូវគ្រីស្ទជាព្រះអង្គសង្រ្គោះរបស់ខ្ញុំ ។
-
ខ្ញុំជឿលើព្រះយេស៊ូវគ្រីស្ទ ហើយទទួលយកទ្រង់ថាជាព្រះអង្គសង្គ្រោះរបស់ខ្ញុំ ។
-
ខ្ញុំសង្ឃឹមថា ព្រះយេស៊ូវគ្រីស្ទជាព្រះអង្គសង្រ្គោះរបស់ខ្ញុំ ។
-
-
សេចក្តីសង្ឃឹម ៖
រូបភាពyoung man-
ខ្ញុំមានអារម្មណ៍សុខសាន្ដ និងសុទិដ្ឋិនិយម អំពីអនាគត ។
-
ខ្ញុំភ័យខ្លាចនឹងអនាគតណាស់ !
-
ជាទូទៅ ខ្ញុំព្រងើយកន្តើយនឹងពេលអនាគត — ប្រសិនបើខ្ញុំពុំគិតពីវាទេ នោះខ្ញុំក៏ពុំត្រូវខ្វល់ពីវាឡើយ ។
-
-
សេចក្ដីសប្បុរស និងសេចក្ដីស្រឡាញ់ ៖
-
ខ្ញុំព្យាយាមស្រឡាញ់មនុស្សដទៃ ប៉ុន្តែមានមនុស្សមួយចំនួនដែលហាក់ ដូច ជារំខានដល់ខ្ញុំ ។
-
ខ្ញុំមមាញឹកក្នុងការខិតខំក្នុងជីវិតខ្ញុំ ដែលធ្វើឲ្យខ្ញុំគ្មានពេលគិតអំពីមនុស្សដទៃទៀតឡើយ ។
-
ខ្ញុំមានបំណងចង់បានសុខុមាលភាពដ៏អស់កល្បជានិច្ច និងសុភមង្គលរបស់មនុស្សដទៃ ។
-
-
គុណធម៌ ៖
-
« ចូរមានគំនិត និងទង្វើស្អាតស្អំ » ។ ការធ្វើបែបនោះហាក់ដូចជាពុំរីករាយប៉ុន្មានឡើយ !
-
ខ្ញុំមានដួងចិត្តស្អាតស្អំ និងបរិសុទ្ធ ។
-
ខ្ញុំមានការលំបាកក្នុងការបន្តឲ្យមានភាពស្អាតស្អំ និងបរិសុទ្ធ ។
-
-
ចំណេះដឹង ៖
រូបភាពyoung woman reading scriptures with younger sister-
ខ្ញុំមានអ្វីៗជាច្រើនត្រូវធ្វើ ដែលធ្វើឲ្យខ្ញុំពិតជាគ្មានពេលស្វែងរកចម្លើយចំពោះសំណួរខ្ញុំឡើយ ។
-
អា៎ ។ ការសិក្សា ? ជួនកាលខ្ញុំមានអារម្មណ៍ថា វាគួរឲ្យធុញទ្រាន់ណាស់ក្នុងការរៀនសូត្រអំពីអ្វីៗទាំងនោះ ។
-
ខ្ញុំព្យាយាមស្វែងយល់សេចក្តីពិត និងស្វែងរកចម្លើយចំពោះសំណួរខ្ញុំដោយស្មោះត្រង់ ។
-
-
ការអត់ធ្មត់ ៖
-
ខ្ញុំអាចរង់ចាំបានដោយគ្មានការអាក់អន់ចិត្ត ឬស្មុគស្មាញឡើយ ។
-
ខ្ញុំគិតថា ខ្ញុំអាចរង់ចាំបាន ប៉ុន្តែខ្ញុំអាចនឹងអន់ចិត្តបន្តិច ។
-
ការរង់ចាំគឺជារឿងអាក្រក់បំផុត ។ ខ្ញុំចង់បានអ្វីៗគ្រប់យ៉ាងក្នុងពេលនេះ ។
-
-
ភាពរាបសា ៖
-
ខ្ញុំចង់ប្រាកដថា ខ្ញុំធ្វើអ្វីៗគ្រប់យ៉ាងដោយខ្លួនខ្ញុំផ្ទាល់ ។
-
ខ្ញុំពឹងលើព្រះអម្ចាស់ក្នុងការទូលសូមជំនួយពីទ្រង់ ។
-
ពេលធ្វើកិច្ចការផ្សេងៗ ជាញយៗខ្ញុំភ្លេចថាខ្ញុំអាចទូលសូមជំនួយពីព្រះវរបិតាសួគ៌បាន ។
-
-
សេចក្ដីឧស្សាហ៍ ៖
-
ខ្ញុំចំណាយពេលស្ទើរតែទាំងអស់របស់ខ្ញុំមើលទូរទស្សន៍ ដើរលេងជាមួយមិត្តភក្ដិ ហើយពុំបំពេញការទទួលខុសត្រូវឡើយ !
-
ជាញយៗខ្ញុំមានការលំបាកក្នុងការផ្តោតទៅលើរឿងសំខាន់ៗនៅក្នុងជីវិតខ្ញុំ ប៉ុន្តែខ្ញុំព្យាយាមធ្វើចំណុចនេះ ។
-
ខ្ញុំចំណាយពេល និងថាមពលរបស់ខ្ញុំទៅលើកិច្ចការដែលសំខាន់បំផុត ។
-
-
ការគោរពប្រតិបត្តិ ៖
-
ខ្ញុំមានឆន្ទៈធ្វើតាមដំបូន្មានរបស់ថ្នាក់ដឹកនាំទាំងឡាយ និងឪពុកម្តាយខ្ញុំ ។
-
ជាធម្មតាខ្ញុំគឺជាចៅហ្វាយលើខ្លួនខ្ញុំ — ជារឿយៗ ខ្ញុំពិបាកនឹងស្តាប់តាមមនុស្សផ្សេងទៀត ។
-
ខ្ញុំធ្វើតាមដំបូន្មានរបស់ថ្នាក់ដឹកនាំ និងឪពុកម្តាយខ្ញុំ ប៉ុន្តែជួនកាលខ្ញុំរអ៊ូរទាំបន្តិច ។
-
ឥឡូវនេះសូមមើលចម្លើយរបស់អ្នក ។ តើលក្ខណៈណាមួយដែលអ្នកចង់កែលម្អ ? ដើម្បីរៀនអំពីរបៀបកែលម្អលក្ខណៈទាំងនោះ អ្នកអាចជ្រើសយកលក្ខណៈមួយ ឬពីរ ហើយផ្តោតចិត្តទុកដាក់លើវា ពេលអ្នកស្តាប់សន្និសីទ ។
ហើយប្រសិនបើអ្នកបានឆ្លើយថា អ្នកកំពុងធ្វើបានល្អលើគ្រប់លក្ខណៈទាំងនោះ សូមបន្តធ្វើវាតទៅទៀត ! អ្នកនៅតែអាចជ្រើសយកលក្ខណៈមួយ ឬពីរដែលអ្នកចាប់អារម្មណ៍ អំឡុងពេលអ្នកឆ្លើយសំណួរទាំងនោះ ហើយផ្តោតលើលក្ខណៈទាំងនោះអំឡុងពេលអ្នកសិក្សាសន្និសីទ ។ មិនថា អ្នកនៅត្រង់ចំណុចណាក្តី នៅលើដំណើរនៃការប្រែក្លាយដូចព្រះគ្រីស្ទ អ្នកអាចងាកទៅស្តាប់ការបង្រៀនរបស់ថ្នាក់ដឹកនាំយើង ដើម្បីជួយអ្នកនៅលើដំណើរនោះ ។
ប្រសិនបើអ្នកពុំអាចសម្រេចចិត្តដឹងអំពីលក្ខណៈណាមួយក្នុងពេលនេះ សូមកុំបារម្ភឡើយ ។ អ្នកអាចស្តាប់សន្និសីទ ហើយចាំមើលថាតើមានលក្ខណៈណាមួយដែលអ្នកចាប់អារម្មណ៍ ។
ពេលអ្នកបានជ្រើសយកលក្ខណៈដែលអ្នកចង់ផ្តោតទៅលើហើយ នោះអ្នកអាចសរសេរវាទុក ដើម្បីឲ្យអ្នកទទួលវិវរណៈរួចជាស្រេចអំពីវា ខណៈអ្នកស្តាប់សន្និសីទ ឬពេលអ្នកសិក្សាសុន្ទរកថាទាំងនោះនាពេលក្រោយទៀត ។ ពេលអ្នកស្តាប់ ហើយសិក្សា សូមឲ្យព្រះវិញ្ញាណដឹកនាំអ្នកទៅរករបៀបជាក់លាក់នានា ដែលអ្នកអាចកែលម្អលក្ខណៈនោះ ។ សូមមើលឧទាហរណ៍ខាងក្រោមនេះ !