និមិត្តសញ្ញាបុណ្យរំលង ៦ យ៉ាង ដែលអាចផ្លាស់ប្តូររបៀបដែលអ្នកយល់អំពីបុណ្យអ៊ីស្ទើរ
ពេលយើងចងចាំអំពីនិមិត្តសញ្ញានៃបុណ្យរំលង នោះការយល់ដឹង និងអំណររបស់យើងសម្រាប់ភាពជាក់ស្តែងនៃការមានព្រះជន្មរស់ឡើងវិញនឹងមានកាន់តែខ្លាំងឡើង ។
ខ្ញុំចូលចិត្តបុណ្យអ៊ីស្ទើរ ជាបុណ្យរំឭកអំពីព្រះយេស៊ូវគ្រីស្ទដែលបានដោះលែងកូនចៅនៃព្រះឲ្យមានសេរីភាពពីការជាប់ឃុំឃាំងក្នុងសេចក្តីស្លាប់ និងស្ថាននរក ។
ប៉ុន្តែ ១៥០០ ឆ្នាំពីមុនការមានព្រះជន្មរស់ឡើងវិញ ថ្ងៃដ៏បរិសុទ្ធស្រដៀងគ្នានោះបានរំឮកដល់ព្រះយេហូវ៉ាចំពោះការដោះលែងកូនចៅសាសន៍អ៊ីស្រាអែលឲ្យមានសេរីភាពពីសេវកភាពរបស់ពួកគេក្នុងស្រុកអេស៊ីព្ទ ។
បុណ្យអ៊ីស្ទើររំឭកដល់ពលិកម្មធួនរបស់ព្រះអង្គសង្គ្រោះ ឯបុណ្យរំលងគឺជាប្រផ្នូលនៃបុណ្យអ៊ីស្ទើរ ។ ទាំងបុណ្យអ៊ីស្ទើរ និងបុណ្យរំលងអាចធ្វើឲ្យការយល់ដឹងរបស់យើងអំពីការរមានព្រះជន្មរស់ឡើងវិញកាន់តែជ្រាលជ្រៅឡើង ។ ខាងក្រោមនេះគឺជាទំនាក់ទំនងមួយចំនួនរវាងបុណ្យរំលង និងបុណ្យអ៊ីស្ទើរ ៖
|
បុណ្យរំលង |
បុណ្យអ៊ីស្ទើរ |
|
១. បុណ្យរំលងផ្តោតទៅលើកូនចៀមឈ្មោលឥតខ្ចោះមួយ ( សូមមើល និក្ខមនំ ១២:៥) ដោយមិនបំបាក់ឆ្អឹងណាមួយឡើយ ( សូមមើល និក្ខមនំ ១២:៤៦) ។ |
១. ព្រះយេស៊ូវគឺជាកូនចៀមនៃព្រះ ( សូមមើល យ៉ូហាន ១:២៩) គ្មានអំពើបាបដោយគ្មានបាក់ឆ្អឹងឡើយ ( សូមមើល យ៉ូហាន ១៩:៣៦) ។ |
|
២. នំបុ័ងឥតតំបែរ គ្មានរលួយ ( សូមមើល Bible Dictionary «Leaven» ) យកទៅបរិភោគជាមួយអាហារបុណ្យរំលង ( សូមមើល និក្ខមនំ ១២:៨, ១៥) ។ |
២. ព្រះយេស៊ូវជានំបុ័ងជីវិត ជាអង្គដែលគ្មានភាពពុំបរិសុទ្ធ ( សូមមើល យ៉ូហាន ៦:៣៥) ។ |
|
៣. បន្លែល្វីងគឺជានិមិត្តសញ្ញានៃសេវកភាពរបស់ពួកសាសន៍អ៊ីស្រាអែល បរិភោគជាមួយអាហារបុណ្យរំលង ( សូមមើល និក្ខមនំ ១២:៨) ។ |
៣. យើងអាចចុះចូលនឹងសេវកភាពនៃអំពើបាប ប៉ុន្តែដោយសារព្រះយេស៊ូវបានផឹកពែងល្វីង ( សូមមើល គ. និង ស. ១៩:១៨) នោះយើងអាចយកឈ្នះបានតាមរយៈដង្វាយធួនរបស់ទ្រង់ ( សូមមើល កូរិនថូសទី ១ ១៥:២២) ។ |
|
៤. អាហារបុណ្យរំលងត្រូវទទួលទានឲ្យរហ័ស ( សូមមើល និក្ខមនំ ១២:១១) ។ |
៤. ព្រះសពរបស់ព្រះអង្គសង្គ្រោះត្រូវបានរៀបចំទុកដាក់ភ្លាមក្នុងផ្នូរ ( សូមមើល យ៉ូហាន ១៩:៣១) ។ |
|
៥. អ្នកជឿដែលបានលាបឈាមចៀមនៅលើក្របទ្វារផ្ទះរបស់ខ្លួនបានរួចពីការស្លាប់ខាងរូបកាយ ( សូមមើល និក្ខមនំ ១២:៧, ១៣) ។ |
៥. អ្នកជឿដែលបានទទួលទាននិមិត្តសញ្ញានៃឈាមរបស់កូនចៀមរៀងរាល់សប្តាហ៍អំឡុងពេលពិធីសាក្រាម៉ង់ ហើយ « ចងចាំទ្រង់ជានិច្ច » (គ. និង ស. ២០:៧៧, ៧៩) អាចត្រូវបានសង្គ្រោះពីការស្លាប់ទាំងខាងវិញ្ញាណ និងខាងរូបកាយ ( សូមមើល ម៉ូសាយ ៤:២) ។ |
|
៦. នៅថ្ងៃបន្ទាប់ពីកូនច្បងត្រូវបានសម្លាប់ សេរីភាពត្រូវបានប្រកាសប្រាប់ដល់ពួកអ៊ីស្រាអែលដែលជាប់ឃុំឃាំង ( សូមមើល និក្ខមនំ ១២:២៩–៣២) ។ |
៦. នៅថ្ងៃបន្ទាប់ពីកូនច្បងត្រូវបានសម្លាប់ នោះព្រះយេស៊ូវបានប្រកាសអំពីសេរីភាពប្រាប់ដល់ពួកអ្នកជាប់ឃុំឃាំងនៅភពវិញ្ញាណ ( សូមមើល គ. និង ស. ១៣៨:១៨, ៣១, ៤២) ។ |