2018
Mōttan ko Rem̧m̧an jān Mōttan Kein Karuo in 188th in Kweilo̧k eo Eļap
Oktoba 2018

Mōttan ko Rem̧m̧an jān Mottan eo Kein Karuo in 188th in Kweilo̧k eo Eļap

Bar juon alen, oktak ko reļļap kar kwaloki ilo kweilok eo eļap. Ilo an kōjjeļļā kein oktak ilo tōrein, jibadbad eo ej pād wōt: Rikanaan eo an Anij ej en̄jake im̧we in n̄an kōm̧ōkaj n̄an kapooj kōj n̄an Itok eo an Irooj Kein Karuo im ej karuaenene kōj n̄an kōkajoorļo̧k tōmak ko ad ilo Jemedwōj Ilan̄ im Nejin, Jisōs Kraist.

Erkein jejjo kūr ko raurōk im kallim̧ur Būreejtōn Russell M. Nelson kar kakememej kōj kaki ilo kweilok eo.

Kōm̧m̧an bwe Kokwojarjarļo̧k Mweo

Ilo ennaan in kōppeļļo̧k eo an, Būreejtōn Nelson kar kwaļo̧k ta ko rej aikuj oktak ilo mour ko ad me renaaj kōm̧m̧an bwe m̧ōko m̧ōd ren ioļapļap in katak gospel. “Ej iien n̄an juon jikin-kabun̄jar ilo Mweo, ej bōk jipan̄ jān ta eo ej bōk jikin ilowaan branch eo ad, ward eo, im m̧ōnjar ko an stake.”

  • Riit ļōmņak in oktak ko ikijeen m̧ōko̧ im oktak ko ilo m̧ōn jar eo me ej jipan̄ (lale peij 8).

  • Kapukōt kobain meļeļe ko jet ilo “Changes Help Balance Gospel Instruction at Home and at Church” (peij 117).

“Likut Laļ in Itulik”

Būreejtōn Nelson ekar kūr sister ro ilo kweilok eo mwen̄an eo eļap an kōrā ro n̄an kobaļo̧k ilo “jibadbad eo eļap … ilo lalin rainin.” “Ippān doon jemaron̄ kōm̧m̧ani aolep ta ko Jemedwōj Ilan̄ eaikuji kōj n̄an kōm̧m̧ani n̄an kōpooji laļ in n̄an Itok eo Kein Karuo an [Jisōs Kraist].”

  • Riiti kūr ko emen an Būreejtōn Nelson n̄an sister ro (lale peij 68).

“Kōjepļaaktok Jim̧we in Etan Kabun̄ in an Irooj”

Būreejtōn Nelson ej kūr n̄an mem̧bōr ro n̄an kūr etan Kabun̄ eo an Rilomo̧o̧r kōn et eo Rilomo̧o̧r ekar likūt. “Ij kallim̧uri kom̧ bwe eļan̄n̄e jenaaj kōm̧m̧ane ijo em̧m̧antata n̄an kajim̧we et eo ejim̧we an Kabun̄ eo an Irooj, E eo me an Kabun̄ in naaj lelaļtak kajoor im kōjeraam̧m̧an ko n̄an ioon bōran Armej ro Rekwojarjar ilo Raan-ko Āliktata, 17 kōņaan ko me jej jan̄in kar loi.”

  • Riiti kōm̧eļeļe ko an Būreejtōn Nelson kō n etan Kabun̄ in (lale peij 87).

“Pād ilo Mweo Ekwojarjar”

Būreejtōn Nelson ekar kōjem̧ļo̧k kweilok eo kōn kōjjeļļā eo kōn 12 tampeļ kāāl im kūr eo an n̄an “aolep iien … pād ilo Mweo ekwojarjar.” Ekar ba, “Ij kallim̧ur kom̧ bwe Irooj enaaj bōktok kabwilōn̄lōn̄ ko Ejeļā ke kom̧ij aikuji ilo ami kōm̧m̧an kaarmejete ko n̄an jerbal im kabun̄jar ilo tampeļ ko An.”

  • Lale ia ko tampeļ ko naaj kalōki rej pād ia (lale peij 113, 116).