Jikejuuļ eo ekāāl n̄an 2019

Ijjino ilo Jānwōde in 2019, kweilo̧k ko an doulul eo an elder ro im Doulul eo an Kōrā ro renaaj kōm̧m̧an wōt ilo Jabōt ko kein karuo im kemān in kajjojo allōn̄. Kweilo̧k kein renaaj pedped wōt ioon ennaan ko jān kweilo̧k eo eļap ekāāl tata. Elmakot ko kōn katakin n̄an kweilo̧k kein rej pād ilo Māe im Nobōm̧ba kweilo̧k eo eļap an mākjiin ko an Liaona im ilo Gospel Library app eo.

Oktak ko jet rej ijjino ilo 2019 ekoba ellaajrak in:

• Kweilo̧k in ko̧o̧njeļ ko ilo Jabōt juon renaaj bōjrak. Ijowōt ke, n̄e emennin aikuj, doulul eo an elder ro im Doulul ko an Kōrā ro remaron̄ kōjerbal jidik in kweilo̧k eo an Jabōt ruo ak emen n̄an ko̧o̧njeļ kōn unin kōnono eo eaorōk.

• Iien kōppeļo̧k ko, ijo me doulul ko an Priesthood eo an Arōn im Melkisedek eo rej kweilo̧k ippān doon ak kōrā ro ilo Doulul eo an Kōrā ro im jiron̄ ro rej kweilo̧k ippān doon ie, ejjamin naaj kōm̧m̧an.

• Kweilo̧k ko an Doulul eo an elder ro im Doulul eo an Kōrā ro rejjamin naaj kōppeļo̧k kōn juon al ak jar bōtaab renaaj kōjjem̧ļo̧k kōn juon jar in ikkilōk.