Elder Brook P. Hales

Ritōl Eutiej Jiljilimjuonn̄oul an Kabun̄ in

Ke Elder Brook P. Hales ekar rualitōk iiō dettan, ekar pād ilo juon kweilok in jitlok im kwaļo̧k naan in kam̧o̧o̧l ijo jemen ej bisop. Jemed ekar karuaenene jar eo n̄an kwaļo̧k aer naan in kam̧ool, im eiton aolep ro raar pād rekar kwaļo̧k naan in kam̧ool ko aer. “Bōlen kar iien eo jinoun tata in ao en̄jake an Jetōb kam̧ool n̄an n̄a kōn m̧oo; eo an gospel in,” Elder Hales ej kememej ļo̧k.

Eaar en̄jake e kam̧ool in elon katton jen iien eo, eļaptata ke ekar jerbal āinwōt juon rijeje n̄an Būreejtōnji eo Kein Kajuon jen 2008. Ke Būreejtōn Thomas S. Monson kar reejtake āinwōt rikanaan im Būreejtōn n̄an Kabun̄ eo, im bar ke Būreejtōn Russell M. Nelson kar reejtake, ekar kam̧ool “kajoor in rikanaan wōtlok ioon kajojo em̧m̧aan rein, im ijeļā ilo ejeļo̧k pere ke kar m̧ōj kālet er im kūr er n̄an Būreejtōn n̄an Kabun̄ ilo iien ko aer make.”

Elder Hales kar kūr āinwōt juon Ritōl Eutiej Jiljilimjuonn̄oul an Kabun̄ ilo Māe 17, 2018, im reejtake ilo Oktoba 6. 2018. Enaaj wōnm̧aanļo̧k wōt āinwōt rijeje eo n̄an Būreejtōnji eo Kein Kajuon.

Ļotak il Ogden, Utah, USA ilo Ebrōļ 7. 1956, n̄an Klea and Glenn Phillip Hales, Elder Hales ekar bōk degree in banking and finance jāan Weber State College (now Weber State University) in 1980. Ālkin kadiojļo̧k, eaar jerbal ilo juon bank im ilo Church’s Finance im Records Division. Eaar m̧areki Denise Imlay Hales ilo 1981, im raar jinen im jemen emen ajri ro. Elder Hales ekar jerbal āinwōt juon mijinede ilo France Paris Mission, rikakpilōklōk ilo bisoprik, ritōl am high priest, bisop, būreejtōn an stake, riokan n̄an priesthood, Jabōt Jikuuļ rikaki, im ri kappen ilo tampeļ.

Raan eo ke ekar juon ladrik jidrik, Elder Hales ekar jab kwaļo̧k an naan in kam̧ool. Bōtaab ekajoorļo̧k wōt jen iien eo. Gospel eo an Jisōs Kraist em̧ōj an bar jepļaaktok kōn Josep Smith, Bok in Mormon ej m̧ool, Anij ej iakwe kōj ilo ejeļo̧l libijinjin im ej kūjerjer n̄an kōjerraam̧m̧an kōj, Jisōs ej ad Rilo̧mo̧o̧r, im jej jeraam̧m̧an kōn Jetōb Kwojarjar ilo ad karbab n̄an e,” ekar ba.