Būreejtōn Nelson ej Tōl Ial eo
Būreejtōn Russell M. Nelson ej kapilōk kajojo iaad n̄an ļapļo̧k jouj, Āinwōt Kraist, im kōm̧m̧an men ko an jetob ilo ad jerbal in karejar n̄an ro jet, im ej kwaļo̧k joun jo̧n̄o̧k kōn ta meļeļein ilo wāwein jerbal in karejar jen jinoun kweilo̧k eo eļap.
Jidik iien ālkin kweilo̧k eo eļap an Eprōļ 2018, Būreejtōn Nelson ekar etal n̄an juon tour me ekar bōk ippān kōrā eo pāleen, Wendy, im Elder Jeffrey R. Holland jān Doulul eo an Jon̄oulruo Rijilōk ro im kōrā eo pāleen, Patricia, n̄an England, Israel, Kenya, Zimbabwe, India, Thailand, China, im Hawaii, USA.
Ilo tōrein em̧akūtkūt kein an, Būreejtōn Nelson kar ioon mem̧bōr ro, mijinede ro, ritōl ro, im ro mōttan Kabun̄ ilo rālik, ioļap, im reeaar in Canada; Seatle, Washington, USA; im Dominican Republic—ijo ekar kōnono kajin Spanish, kein kajuon an Būreejtōn an Kabun̄ leļo̧k naan ko ilo bar juon kajin ijellokin kajin English.
Ilo kwelok ko im fireside ko, Būreejtōn Nelson ekar katakin kōn jim̧we in Etan Kabun̄ in; kajeded e gospel eo n̄an ro jet; kaurōk Bok in Mormon; wāween an mour kōn gospel in kōm̧m̧an bwe mour en em̧m̧anļo̧k; an wāween eo an Kraist ej iaļ eo n̄an lan̄lon̄ im m̧ōņōņō, kio im n̄an indeeo; jar; kōm̧m̧an bwe m̧ōko̧ ren bōbrae n̄an ajri ro; kōjerbal anemkwoj in kālet n̄an eļļā jen kapo im ļoor Rilomo̧o̧r eo; kea kōn ro jet; im kōpopo n̄an bōk kōjeraam̧m̧an ko jāan tampeļ.
Būreejtōn im Sister Nelson rekar bar kōnono ilo nokon in jota eo an jodikdik ro ilo Jānwōde 3, 2018, ijo Būreejtōn Nelson ekar ba bwe jodikdik ro rej kobaļo̧k ilo “jarin tariņae an Irooj” im jipan̄ aintok Israel elon aer iien em̧m̧an n̄an “pād ilo juon men eļap, juon men utiej, juon men bōtata!” Eaar rōjan̄ jodikdik ro n̄an jab kobaļo̧k ilo ikukut aer lōke social media, kōm̧m̧an jet iien n̄an Irooj, kōm̧m̧ane juon jon̄ak in mour eo elet ippān Irooj, jar aolep raan bwe aolep ro nejin Anij ren maron̄ bōk gospel, im erom̧ juon meram n̄an lal.