Oktak Ejipan̄ Kōm̧m̧an jon̄an Kōm̧eļeļe ilo Mweo im ilo Mōn Jar eo

Āinwōt m̧ōttan kijejeto ko n̄an jipan̄ Armej ro Rekwojarjar “katak, kōkajoorļo̧k tōmak, im kōkajiriri eļapļo̧k kabun̄jar an juon make,” Būreejtōn Russell M. Nelson eaar kōjjeļļā kōn oktak ko n̄an jipan̄ kōm̧m̧an jon̄an im kobaik oktak eo im wāwein ko reaurōk n̄an mem̧bōr ro kabun̄jar im ekkatak im mour kake gospel eo an Rilo̧mo̧o̧r jim̧or ilo mōnjar eo im m̧weo.

Ritōl ro an Kabun̄ in raar kōjjeļļā kōn jikejuul in kweilo̧k ko ilo Jabōt, jinoin Jānwode 2019. koba ippān rōļļo̧k eo an m̧weo-ej ioļapļap, ilo kōrrikūļōm̧ eo jipan̄-jān Kabun̄ in. Oktak kein im bar jet jibadbad ko Kabun̄ in kar jinoe jerbal i ilo iiō ko rej mootļo̧k, rej n̄an jipan̄ mem̧bōr ro kajjim̧we mour ko aer lak wōt ioon Jemedwōj Ilan̄ im Jisōs Kraist im kam̧ūlalļo̧k tōmak ilo Er. Makūtkūt kein rej bar kobain juon jibadbad kōn meļeļe eļapļo̧k ilo katak gospel ilo m̧o̧ko, kautiej Irooj ilo kōjpāroke ekwojarjar an raanin Jabōt, im kea kōn doon āinwōt Rilo̧mo̧o̧r enkar im āinwōt Jetōb im̧we.

Meļeļe in n̄an kepooj armij ro an Irooj n̄an Jepļaaktok eo An, oktak kein rej kajejjōt m̧wilaļ in oktak eo an juon, Elder Quentin L. Cook Doulul eo an Jon̄oulruo Rijilōk ro ekar kōmeļeļe, ilo an kwaļo̧k oktak ko ilo mwein̄an eo an Jibbon̄ in Jādede an kweilo̧k eo eļap.

“Jejeļā im̧we eo ilo jetōb im oktak eo em̧wilaļ im aitok kitien me maron̄ bōke ilo ļamļam eo an m̧ōko … ,” ekar ba. “Jibadbad eo an ej n̄an kajokkuun wōt juon en̄jake ko ilo Kabun̄ in im m̧weo ilo juon wāween me enaaj kanooj kōļapļo̧k tōmak im ilo jetōb im kam̧wilaļļo̧k oktak eo n̄an Jemedwōj Ilan̄ im Irooj Jisōs Kraist.”

Oktak ko ilo Mweo

Ritōl ro an Kabun̄ in rej kūr juon jibadbad eļapļo̧k ilo ļapļo̧k bōk ko̧naad make im baam̧le kōjpārok men ko an kabun̄ ilo m̧weo, kobain katak gospel ilo m̧weo in Jabōt im ilo wiik eo im kōkmanmanļo̧k ko n̄an nokon in jota im̧weo.

Āinwōt kilaajruum̧ eo im lāāp eo jim̧or, m̧weo ej jikin eo eaurōk n̄an katak im mour kōn gospel. Katak an juon make im bam̧le im̧weo ilo Jabōt im ilo wiik eo ej letōk iien em̧m̧an n̄an kapukōt kajoor ilo jetōb aolep raan im kōtļo̧k bwe en ļapļo̧k an pidodo n̄an katak n̄an juon make im bōk revelesin. Lōke eļap ioon iien ilo mōn jar eo n̄an katak gospel ekōm̧m̧an jap jokkunwōt juon me eban maron̄ tōpar m̧wilaļ in oktak eo emennin aikuj.

“Kōj kajjojo jej bōk eddo in eddōkļo̧k eo ad kajjojo ilo jetōb,” Būreejtōn Nelson ekar ba. “Im jeje ko rekwojarjar rej kalikkar bwe ro jinen im jemān ewōr aer eddo eo eaorōk n̄an katakin katak ko n̄an ajri ro nejier.”

Oktak ko rej kobaik kadkad in katak kōn gospel in ekāāl n̄an juon make im bam̧le ko ilo m̧weo. Juon make im baam̧le ko remaron̄ kōjerbal Itok, Ļoor Eō—N̄an Kajjojo Armej im Baam̧le ko, eo ekāāl eļan̄n̄e rej kōņaan, n̄an tōl er ilo en̄jake ko aer ikijeen katak gospel itulikin mōn jar eo. Kein jerbal in ekāāl ej jerbal ippān m̧ōttan kein jerbal ko n̄an rikaki ro an Jabōt Jikuuļ im Būraimere n̄an kōm̧m̧an āinjuon ippān katak ko an Jabōt ippān katak jeje ko rekwojarjar im ļōmņak ko n̄an nokon in jota m̧weo.

Kakobaba n̄an rōjan kōn katak gospel, ritōl ro an Kabun̄ rej rōjan̄ aolep n̄an bōk kūņaer ilo raan in Jabōt—im ilo aolep wiik—n̄an ekkatak gospel eo, ko̧o̧njeļ ko an baam̧le, nokon in jota, menmenbwij an baam̧le im jerbal in tampeļ, jerbal in karejar, kabun̄jar an juon make, im lem̧ōņōņō an baam̧le.

Kein katak ko jilkinļo̧k n̄an mem̧bōr ro im ritōl ro ej an ritōl ro an Kabun̄ rōjan̄ kajjojo im baam̧le ko n̄an kōm̧m̧an nokon in jota im n̄an ekkatak gospel eo ilo m̧weeo ilo Jabōt—ak ilo iien ko jet āinwōt kālet jān kajjojo ak baam̧le ko. Juon m̧akūtkūt in jota an baam̧ļe maron̄ kōm̧m̧an ilo Mande ak ilo iien ko jet. Kōn un in, ritōl ro rej aikuj wōnm̧aanļo̧k wōt n̄an dāpij wōt an ejjeļo̧k jabdewōt kweilo̧k im m̧akūtkūt ko ilo jo̧teen M̧ande ko. Ijoke, iien kōm̧m̧an nokon in jota, ekkatak gospel eo ilo m̧weeo, im m̧akūtkūt ko n̄an baam̧le ko im armej kajjojo kar jikejuuļi ekkar n̄an jekjek ko an kajjojo armej.

Kabun̄jar n̄an Anij ilo mōnjar, bōk ko̧ņaer ilo kain̄i ko rekwojarjar ijōņ, im koba ippān doon n̄an katakin doon im kōkajoor im jipan̄ doon rej m̧ōttan ko reaurōk an kam̧wilaļ tōmak im oktak an juon make. Kadikļo̧k jo̧n̄an iien kōjerbal ilo mōjar emaron̄ jan jipan̄ ijelo̧kin n̄e kajjojo armij im bam̧le ko kōm̧m̧ane n̄an kōkajoor m̧weo.

Būreejtōn Nelson kar katakin: “Āinwōt Armej ro Rekwojarjar, em̧ōj ad erom̧ ad imminene n̄an ļōmņak kōn ‘kabun̄’ āinwōt juon men eo ej waļo̧k ilo im̧ōn kweilo̧k ko ad, rie jān ta eo ej waļo̧k ilo m̧weo. Jej aikuj juon kajim̧we n̄an jon̄ak in. Ej iien n̄an juon jikin-kabun̄jar ilo Mweo, ej bōk jipan̄ jān ta eo ej bōk jikin ilowaan branch eo ad, ward eo, im m̧ōnjar ko an stake.”

Oktak ko ilo Mweo

Oktak ko n̄an en̄jake ko ilo Kabun̄ rej karōk n̄an jipan̄ kōļapļo̧k katak gospel im mour ilo m̧weo. Oktak kein rej rekoba oktak jikejuuļ eo ļo̧k in Jabōt n̄an kobaik:

60-minit kweilo̧k in kwojkwoj eo,
10-minit iien jānij
Im 50-minit iien kūlaaj, āinwōt kar kwaļo̧k ilo jikejuuļ in ilaļ:

Jabōt Jikejuuļ Jinoe Jānwōde 2019
60 minit	Kweilo̧k in kwojkwoj
10 minit	Diwōjļo̧k n̄an kūlaaj ko
50 minit	kūlaaj n̄an rūtto ro; kūlaaj n̄an jodikdik; Būraimere

50 minit in kūlaaj n̄an Ajri naaj wōnnm̧anļo̧k aolep wiik im naaj kajojo wiik n̄an jodikdik im rūtto ro āinwōt in:

Jabōt juon im jilu: Jabōt Jikuuļ.
Jabōt ruo im emān: Doulul ko an priesthood, Doulul eo an Kōrā ro, im Doulul eo an Jiron̄ ro.
Jabōt ļalem: kweilo̧k ko an jodikdik im rūtto ro enaaj ium̧win tōl eo an bisop eo.

Eļan̄n̄e uwaan Būraimere ro eļap n̄an kōjenoļo̧k er n̄an junior im seniory Būraimere, jikejuuļ in ilōn̄ emaron̄ in oktak n̄an jimettan in ajri ro im iien eo maron̄ oktak n̄e aikuji.

Būraemere jikejuuļ Jinoe jānwōde 2019
25 minit	Jar, jeje ko rekwojarjar ak laajrak in tōmak, kōnono (5 minit) Al: Al eo me jipan̄ eoon in ekkatak eo ilo kūlaaj (20 minit)
5 minit	Diwōjļo̧k n̄an kūlaaj ko
20 minit	Kūlaaj ko: katak jān Itok, Ļoor Eō—N̄an Būraimere ro

Oktak ko an Laajrakin Kein Jerbal ko

Okatak in n̄an jikejuuļin kweilok in ej jerbal ippān kein ekkatak eo ekāāl Itōk, Ļoor Eō an Kabun̄ in. Jinoe jān Janwōde, jikin-kabun̄jar ilo m̧weo, kein ekkatak rej jipan̄ jān-Kabun̄ enaaj kobaik ta ko rūtto, jodikdik, im ajri rej katak ilo Jabōt Jikuuļ im kūlaaj ko an Ajri, kōm̧m̧an bwe en pidodoļo̧k n̄an bam̧le ko katak ippāan doon ilo m̧weo iloan wiik eo.

Kōmeļeļe, annan̄ in katak eo, im kein jerbal ko maron̄ loe ijin:

Itok, Ļoor Eō—N̄an Doulul eo an Elder ro im Doulul eo an Kōrā ro (kōm̧m̧an ilo Nobōm̧ba 2018 Ensign im Liaona)
Itok, Ļoor Eō—N̄an Doulul ko an Priesthood an Aron
Itok, Ļoor Eō—N̄an Jiron̄ ro
Itok, Ļoor Eō—N̄an Jabōt Jikuuļ
Itok, Ļoor Eō—N̄an Būraemere

Lale comefollowme.lds.org n̄an meļeļe ko reļļaļo̧k.

Jet oktak ko reaurōk ekkoba menkein:

Kweilok ko ko an Rikaki naaj kōm̧m̧an aolep kuwata ejjelo̧ kin aolep allōn̄.
Katak ko an Doulul eo an Elder ro im Doulul eo an Kōrā ro naaj bōjrak aer kobaik kweilo̧k eo an Jabōt-jinoun ak unin kōnono eo an Jabōt-kein kemmān. Katak ko renaaj wawa ioon ennaan ko an kweilo̧k eo eļap ekkāāl tata.
Al enaaj pinej jenwkan sharing time. Laajrak in Sharing Time eo enaaj bōjrak.
Kūlaaj in Katakin Gospel eo enaaj bōjrak. Aolep mem̧bōr ro im ro mōttad rej ikdeleel renaaj ruainene n̄an pād ilo kūlaaj Jabōt Jikuuļ ko an rūtto ak jodikdik
Ko̧o̧j ko jet, āinwōt kōkajoorļo̧k m̧are im baam̧le, keppopo n̄an tampeļ, keppopo n̄an mijinede, im menmenbwij an baam̧le—eban kōm̧m̧an ilo iien kūlaaj in Jabōt ko. Ko̧o̧j kein remaron̄ kōm̧m̧an ilo bar jet iien n̄an kajjojo armij, bam̧le ko, ak jar ko ekkar n̄an aikuj ko an jukjukin pād eo im tōl eo an bisop eo.

Kōttōbar eo an Oktak Kein

Ritōl ro an Kabun̄ rej kapukōt n̄an ejaak e jokkun wot juon im juon kakobaba eo eļap ikōtaan kajoor ko an m̧weo im en̄jake ko an mōnjar kōn kōttōpar ko ilo kōlmenļo̧kjen.

“Ekanooj in ļapļo̧k jān oktak in jān kōkaduukļo̧k jikejuuļ eo an im̧ōn jar ko ilo Jabōt … ,” Elder Cook ekar ba. “Jibadbad ko im kōjeraam̧m̧an ko rej pād ilo oktak in im oktak ko jet im̧aanļo̧k ekoba kein rej ellaajrak:

Kam̧wilaļļok oktakļo̧k eo n̄an Jemedwōj Ilan̄ im Irooj Jisōs Kraist im kōkajoorļo̧k tōmak ilo Er.
Kōkajoorļo̧k kajjojo armej im baam̧ļe ko kōn laajrak in kein katakin eo rie an pedped ilo m̧weo, Kabun̄ eo me ej kōketak n̄an mour lan̄lōn̄ kōn gospel eo.
“Kautiej raan in Jabōt, kōn juon ellowetak ilo kain̄i eo an kwojkwoj eo.
Jipan̄ aolep ajri ro nejin Jemedwōj Ilan̄ ilo jim̧or turejet ko an rōn̄ōl eo kōn jerbal in mijenede im bōk kain̄i ko im bujen ko im kōjeraam̧m̧an ko an tampeļ eo.

N̄an kōjjeļļā eo kōn oktak kein, lale Russell M. Nelson.“Opening Remarks,” ilo peij 6 ilo māākjiin in; Quentin L. Cook, “Deep and Lasting Conversion to Heavenly Father and the Lord Jesus Christ,” ilo peij 8. N̄an meļeļe ko reļļapļo̧k kōn oktak kein, lale sabbath.lds.org n̄an pukōt letta jān Būreejtōnji eo Kein Kajuon, uak n̄an kajjitōk ekūtkkūt kajjitōki, im bar jet kein jerbal n̄an jipan̄ kajjojo armij im bam̧le ko kaibjooj raan in Jabōt.