Ang Taas nga Biyahe ni Elder Holland

Ang mga Apostoles mobiyahe sa tibuok kalibutan aron sa pagpangalagad sa katawhan ug sa pagtudlo kanila mahitungod ni Jesukristo.

Si Elder Jeffrey R. Holland ug Sister Patricia Holland mikuyog ni Presidente ug Sister Nelson sa ilang biyahe sa pagbisita sa mga miyembro sa Simbahan sa tibuok kalibutan. Mibisita sila og walo ka mga nasud. Sa matag hununganan mihimamat sila og liboan ka mga tawo nga malipayon kaayo nga makakita og propeta ug apostol!

Hapit tanang mga dapit nga ilang giadto aduna nay templo o sa dili madugay makaangkon og templo!

Ang ilang unang giadto mao ang Jerusalem, Israel. Ilang nakita ang Bukid sa Oliba, usa ka dapit diin gitudloan ni Jesus ang Iyang mga disipulo, ug ang Karaang Dakbayan sa Jerusalem, diin milakaw si Jesus.

Sunod mibisita sila sa Kenya, usa ka nasud sa Africa diin adunay pagatukuron nga usa ka templo. Giawhag ni Elder Holland ang katawhan sa pagtigum sa ilang family history ug sa pag-adto sa templo kon mahuman na kini. “Walay lain nga mas makapanalangin kaninyo,” miingon siya.

Si Presidente Nelson ug Elder Holland naghinam-hinam nga mobisita sa mga miyembro sa Simbahan sa India. Nangita sila og usa ka dapit aron matukuran og templo. Mao kini ang mahimong unang templo niana nga nasud, nga adunay sobra sa usa ka bilyon ka mga tawo!

“Aduna akoy pagpamatuod nga ang Dios kanunay nga magauban kanato. Gihatagan kita Niya og propeta nga mogiya kanato. Dili gayud Siya mobiya kanato. Dili gayud kita pasagdan nga mag-inusara.”