Mahinumdom gihapon ko sa mga sala nga ako nang nahinulsolan, ug mobati ko nga sad-an. Nganong dili man ko makalimot sa akong mga sala?
Getsemani, pinaagi ni Michael Malm
Ang Pag-ula ni Jesukristo makahimong posible sa kapasayloan kon maghinulsol kita. Ang tinuod nga paghinulsol naglakip sa kamapainubsanon, pagkumpisal, pagbiya sa sala, ug pasalig nga mosunod sa mga sugo.
Ang Ginoo miingon, “Siya kinsa naghinulsol sa iyang mga sala, ang mao gipasaylo, ug Ako, ang Ginoo, dili na mahinumdom [niini]” (Doktrina ug mga Pakigsaad 58:42). Apan unsa kaha kon ang atong panumduman sa atong mga sala naghasol gihapon kanato? Si Elder Dieter F. Uchtdorf sa Korum sa Napulog Duha ka mga Apostoles mitudlo: “Ang Dios wala mosaad nga dili kita mahinumdom sa atong mga sala. Ang paghinumdom motabang kanato nga malikayan ang pagbuhat pag-usab sa samang mga sayop. Apan kon magpabilin kita nga matinuoron ug matinud-anon, ang panumduman sa atong mga sala magkaanam og kawala sa paglabay sa panahon. Mahimo kining kabahin sa gikinahanglan nga proseso sa pag-ayo ug paglimpyo” (“Punto sa Luwas nga Pagbalik,” Liahona, Mayo 2007, 101).
Kon tinud-anay kitang maghinulsol ug tutukan ang pagsunod sa Manluluwas, ang Espiritu Santo mahimo natong kauban ug madasig kita sa paghigugma ug pagserbisyo sa uban. Ang kasakit sa kaulaw mapulihan sa pasalamat ug paglaum. Ug mohimaya kita sa Dios tungod sa Iyang kamabination, gugma, ug kalooy.