Nagkinahanglan Kita sa Usag Usa

Nakaatubang ka na ba og hagit sa imong kinabuhi nga desperado ka nga matago tungod kay nahadlok ka kon unsay hunahunaon sa uban? Ang akong pamilya ug ako aduna. Nanlimbasug kami niini sulod sa mga katuigan samtang nagtan-aw kami sa akong igsoong lalaki nga nanlimbasug sa pagkaadik sa druga.

Sa pahina 16, imong makita ang pagpasabut sa usa ka psychologist mahitungod sa pagkaadik, unsaon sa pagsabut niini, unsaon sa pag-ila niini, sa unsang paagi kini nakaapekto sa mga pamilya, ug sa unsang paagi ka makatabang. Human niana mao ang akong kaugalingong istorya kon sa unsang paagi ang pagkaadik sa akong igsoon nakaapekto ug miimpluwensya kanako sa tibuok nga milabayng dekada.

Bisan unsa nato ka gusto nga makahimo sa pagbuntog sa mga hagit nga kita ra ug magpuyo og perpekto nga kinabuhi, ang kamatuoran mao nga nagkinahanglan kita sa usag usa tungod kay kitang tanan makasinati og mga hagit. Kinahanglan kita nga “[mag]tambayayong sa usag usa nga mga alantuson” (Mosiah 18:8), ug ang Manluluwas makapakita kanato kon unsaon nato sa pagbuhat niini sa matinud-anong paagi kon Siya atong tugutan. Manghinaut ko nga maningkamot kita sa pagsabut, sa pag-empatiya, ug sa paghigugma, imbis nga dali nga mohukom. Sa pagbuhat niini, makabaton kita og mas dakong kalinaw ug kalipay sa bisan unsang mga kahimtang nga maanaa kita.

Chakell Wardleigh

Mga Magasin sa Simbahan