Ana Iteraniba te Aono
Ongora n ana Reirei te Burabeti—Moanibwaia te Intitute
A waakinaki taian kiraati ibukin te intitute n te moan tairiki i nuukan Beberuare i Tarawa, kautuun te Tautaeka i Kiribati. E riki te aba man 32 aba ake a riki man te ane are a katobibiaki n taari ao te rakai ao teuana n aba ae e mena ieta ae e riki naba man te ane. Tabeua mai buakon aba aikai a mena n taabo aika a raroa nako ni kaineta Biti n teuana te kawai ao Hawaii n are teuana.
N aron angiina ikawai aika kaain ana Ekaretia Iesu Kristo ibukiia aika Itiaki ni Boong aika Kaitira i Kiribati ake a tia ni kakoroi bukin tibwangaia ni karaoa aia mwakuri ni mitinare ae bwanin taina, tein te motinnano ae ti te arona e nooraki koauana irouia kairake n ikawai.
Te koraki ake a tia ni mitinare mai imwaina ao aika ngkai a ira ana reirei Beretitenti Thomas S. Monson are e taku bwa a riai kaain te YSA ni moanibwaia te intitute inanon maiuia. Imwin te kiraati n te intitute te tairiki teuana I a karina naba n rineia aman ataein te reirei ao ni bubuti ngkana I kona n anaa teutana te miniti man aia tai. Maroroou ma ngaiia e waekoa n mataata bwa iai aia tangira ae onoti membwa ibukin te Tia Kamaiu ao Ana Ekaretia, ao, kanga ai aron raoi Aberaam are ngkoa, a ukoukori rabakau aika a raka, te rau inanon maiuia ao kakabwaia n te rongorongo ae tamaroa ibukin te euangkerio ngkai a kataia ni maiuakina maiun Kristo.
Mamaia Kiima e iriira te intitute inanon aua te ririki. E aki toki naba iriirina inanon te tai ae uarereke ngke e karaoa ana mwakuri ni mitinare ae bwanin taina i Biribin. Ngke e titirakinaki bwa bukin tera ngkai e iriira te intitute e taku:
“E buoka aron maiun tamneiu. Ni korakoran au namakin e kakawaki ibukiia kain te YSA ni kabane bwa a na iriira te intitute ibukina bwa e kona ni buokiira n riki bwa banna ni katooto aika a tamaroa ibukiia naake irarikira.”
Ni koron ana ka 21 n ririki, Bwareeta Tune e oki nako Kiribati n te tai ae nako man ana mition i Hamilton New Zealand Mition. E beku n aono aika a bati n raonaki ma Hamilton, Rotorua, Huntly, ao i Manurewa, n aonon Auckland maiaki.
Ni kamataata bwa bukin tera e roroko n te Intitute e taku Bwareeta:
“Iriirakin te Intitute e kaunga nanou bwa N na reitinako ni kataia ni kororaoi n te maiu n tamnei—n aron are ngke I karaoa ngkoa au mwakuri ni mitinare. E bon rangin kakawaki ibukiia naake a na kaitara ma karawawata aika a na roko—bwa ti na kaungaaki man bwaai ake ti reiakin ikai n te intitute.”
Imwin okina man ana mition i Biribin n Nobembwa 2017 n te tabo are e taetaekina iai te euangkerio i Tagalog, Akoia Toromon ae 21 ana ririki ni maiu e taku bwa ana beretitenti n te mition e kaungaia mitinare ake a nang oki bwa a nang bane aia tai bwa a riai n iriira te intitute n te tai are a okiri iai mweengaia. E taku Akoia: “Te kabwaia n iriiran te intitute bwa e karekea te tibwanga ae moan te korakora n reiakina riki taekan te euangkerio—e buokai ni kakorakora riki au atatai n taian reirei ao ni karikirakea au koaua.”