Ana Iteraniba te Aono

Ni Buokaiia Ataein te Reirei n Riki bwa ana Reirei Iesu Kristo aika a Teimatoa n te Moroni High School

Iroun Tessa Dewsbury

N nuukan kakawakin te kamatebwai n te kaawa n reirei i Tarawa, bon te Mataniwi n te Moroni Hight School ae Banririe Nenebwati. I karaoa au marooro ma ngaia ae uarereke te bong teuana ni Beberuare 2018, imwain tangin te beero are e kaota kabanean tain te kiraati; 650 ataein te reirei ake a kaonrakei kawain taabo n reirei bwa a na kaei aia kiraati aika a kakaokoro. Tabeman ataein te reirei are e bwaibwai iai te Ekaretia bon tiaki kaain ana Ekaretia Iesu Kristo ibukiia Aika Itiaki ni boong aika Kaitira, ma a bane n roko n reirei ni kamatebwai iaon rabakaun te aonaaba ao taekan te aro.

Te Mataniwi ae Nenebwati e tibwaua nakoiu ana kouru ma kanoan ana nonoori:

Nonoori:

Wanawana, Nanomatoa, Kabanea n Tamaroa.

Kouru:

1. Ni buokiia ataein te reirei n riki bwa ana reirei Iesu Kristo aika a teimatoa. N tokin anne te mataniwi e kaungaia taan kamatebwai bwa a na karaoa aia mwakuri ni mitinare ae bwanin taina, a na katarui aia tarataraiaon te mare n ana tembora te Uea ae tabu, ao n teimatoa ni uaa te toki.

2. Ni buokiia ataein te reirei ni kabongana te taetae ni Imatang ni katoa bong.

3. Ni buokiia ataein te reirei n taetae ao ni kabongana te Ingiriti ni katoa bong.

4. Ni buokiia n tatabemaniia bwa a na bwaati te ukeuke n ana kainibaire te tautaeka ao te abama rianakon aia konabwai.

E taekinna te Mataniwi ae Nenebwati ma nanona ni kan nooriia ataei n tatabemaniia bwa a na karekea te beebwa ni kakoaua ae kinaaki bwa n te bong teuana ao a na kairaki nakon te mwakuri ae a na kabwaia iai.

Karikirakean anuan Kristo irouia ataein te reirei bon te konabwai ae katoa bong n te Moroni High School ao a irekereke naba iai taan reirei.

Ni katoa moaningabong koraki ataei a kamatenanoa te “10 Bs”, ake:

• Bwaina te kakaitau

• Bwaina te timwaati

• Bwaina te itiaki

• Bwaina te kokoaua

• Bwaina te nanorinano

• Bwaina te tataromwaaka

• Bwaina te kakaonimaki ni waaki aika a karaoaki

• Kakorakorako

• Bwaina te akoi

• Bwaina te rau

Ai uana naba—ngkai bon mwakoron aia kabooraoi n te reirei—a riai ataein te reirei n oneiia n te karinano ae mwakoro “Te Rau iroun Kristo” te taina n te wiiki.

Aio e buoka katanoataan te botoniango rinanon te reirei ae bwanin.

Ni katoai taian ruu n reirei ao e karaoaki te bootaki n taromauri n te moaningabong, ao mitinare ake a bane aia tai a kaoaki bwa a riki bwa iruwa aika taan taetae ni bootaki n taromauri ae e booaki n otintaai ao n ana bootaki te reirei.

E maiuakinaki te uangannano ao te kaunganano n angin te tai n aron ae e riai!

Teniua kooti ake a kabaeaki iai ataei bwa a riai n karaoi bon te Tieminari, Ingiriti, ao te numera.

Te burokuraem ae te TVET n raonaki ma te kabentaa, bwaai aika a maiu n te intin, karaoan ma kamwaakin keeke ao kabuki, kunnikai ao katamaroa, MOS, tuariitim ao mwakuri n akoi nakoia iruwa, ao te ununiki. Ae riaon ao iaon riki kooti aika a rineaki aikai, te burokuraem ibukin te maiu n toronibwai a kairaki naba n te karikiram Ibukin Ririki 13 ibukiia Ataein te Reirei. Burokuraem aikai a kairaki inanona: Au Bitineti, Au Mwakuri, Au Reirei.

Ni kabaaranta te kamatebwai n te maiu n tamnei ao n te rabakau n aonaaba n te Moroni High School, e kamwakuraki te konabwai ibukin kanakoraoan aroia mataniwi n taai aika a na roko.