Ana Iteraniba te Aono
Te Beretitenti mai Kiribati e Kaitibo ma Mataniwi Aika a Itiaki n te Ruu ni Kareke Rongorongo
Ae Karineaki Taneti Maamau, te Beretitenti n te Tautaeka ni Kiribati, e kaitibo ma mataniwi n Ana Ekaretia Iesu Kristo ibukiia Aika Itiaki ni Boong aika Kaitira i Tarawa n te wiiki ae nako.
Te bootaki ae booaki bon te tieminaa ibukin te waaki ni kairiiri ibukiia mataniwi n te aba, are e kairaki iroun John Larkin, te beretitenti n te Church’s Marshall Islands/Kiribati Mition. Aio bon te moan tai ibukiia mataniwi ae taan ira te taromauri mai aonaba a bootaki ibukin te kataneiai.
Mataniwi Aika Itiaki bon taan anganano ma aia mwakuri ae bwanin ao tabeua mwioko ibukin te utu. Ara mwakuri n ibuobuoki nakoia raora aika kaain te Ekaretia e kanakoaki n te Tabati ao tabeua taai rinanon te wiiki itinanikun aoan te mwakuri.
Ataakin kakawakin te tai aei ibukiia kaain Kiribati, Beretitenti Taneti Maamau e katauraoa ana maroro ni butimwaai. E tiku n tain te katawanou ao e butimwaai aia titiraki te koraki ake a roko.
Beretitenti John Larkin e katauraoa naba te marooro ni kaukuki ao te kataneiai n taian te tieminaa. N raonaki ma anne, Beretitenti Iotua Tune, te moan kauntira n te beretitentii n te mition, ao Unimwaane Hansen, te tiinia mitinare ae e beku i Kiribati, e katauraoa te kataneiai ao bon bwaai ni mwakuri ngaiia ni kauoman n te bootaki ni kairiiri ibukin te tieminaa.
Ni kainan te tieminaa, koaua ake a riinga te nano man ana euangkerio Iesu Kristo ae e kaokaki, a bon tibwauaki imwain ae anganaki aia beebwa ni kakoaua taan ira aron te waaki.