Indeks sa mga Istorya sa Komperensya

Ang mosunod nga lista sa pinili nga mga kasinatian nga gisaysay panahon sa kinatibuk-ang komperensya mahimong magamit sa personal nga pagtuon, family home evening, ug ubang pagtulun-an. Ang numero nagpasabut sa unang pahina sa pakigpulong.

Neil L. Andersen(34) Usa ka tawo nga maibug ngadto sa sama og sekso nagpabilin nga matinud-anon sa iyang mga pakigsaad. Usa ka babaye nga wala gayud maminyo nakatutok sa pagserbisyo.

D. Todd Christofferson(81) Ang kabatan-onan sa Italy mipakita ni Presidente Russell M. Nelson og mga kard sa templo nga giandam alang sa ilang katigulangan.

Carl B. Cook(51) Usa ka “Pundok sa mga Igsoon” kinsa milig-on ug mitabang sa pagkabig sa usag usa didto sa Botswana nakapanalangin og dili maihap nga mga kinabuhi pinaagi sa misyonaryo nga pagserbisyo. Ang mga korum sa pagkapari misuporta ug mipanalangin sa batan-on nga si Carl B. Cook.

Quentin L. Cook(76) Usa ka pagdapit gikan ni Presidente Gordon B. Hinckley nakatabang nga mabunyagan ang amahan ni Elder O. Vincent Haleck.

Becky Craven(9) Usa ka saksi sa panghitabo mireklamo nga ang engineer sa tren wala mosulay sa pagliko sa wala pa maigo sa iyang tren ang usa ka sakyanan nga natanggong diha sa riles.

Sharon Eubank(73) Ang panggabii nga mga suga sa gawas wala mosiga diha sa Salt Lake Temple. Usa ka damgo mihatag kang Sharon Eubank og tinguha nga mapalambo ang iyang pagtuo.

Gerrit W. Gong(97) Human mobati og kalooy sa usa ka shoplifter [kawatan], ang usa ka higala ni Gerrit W. Gong misugod sa pagsabut kang Jesukristo ug sa Iyang Pag-ula.

Brook P. Hales(11) Duha ka mga anak nga lalaki ni Brook P. Hales nakakat-on nga ang Dios, sa pagtubag sa mga pag-ampo, nasayud sa katapusan gikan sa sinugdanan. “Kini usab molabay” maoy nahimong motto sa usa ka matinud-anong babaye kinsa midawat sa iyang pagkabuta.

Mathias Held(31) Si Mathias ug Irene Held nagpamiyembro sa Simbahan human makakita sa kamatuoran pinaagi sa pagtuon ug sa Espiritu.

David P. Homer(41) Samtang pasahero sa usa ka gamay nga eroplano, si David P. Homer nakakat-on sa kaimportante sa pagpaminaw sa sakto nga tingog. Si David P. Homer ug ang iyang asawa nakakat-on nga ang mga tubag sa pag-ampo mahimong moabut sa hinay-hinay. Ang igsoong lalaki ni David P. Homer milahutay hangtud sa katapusan bisan pa sa kalisdanan.

Kyle S. McKay(105) Usa ka babaye nga nanlimbasug sa pag-abuso sa druga ug usa ka inahan kansang anak nga lalaki namatay sa aksidente nahupay ug nasuportahan sa Talagsaong Tigluwas.

Russell M. Nelson(67) Usa ka inahan ug ang iyang mga anak nga babaye nakigkompetensya sa mga sport ug mga dula alang sa pagtagad sa mga lalaki sa ilang pamilya.

(88) si Russell M. Nelson ug iyang anak nga babaye nga si Wendy naghisgot sa “mga butang nga pinakaimportante” atol sa ilang “papa ug anak nga pagpanamilit.” Usa ka pulis nga mitabang sa mga tawo nga makaeskapo sa usa ka dakong sunog naghunahuna,“Asa ang akong pamilya?” Usa ka higala ni Russell M. Nelson nagdumili sa paghimo og mga kausaban aron mahimong sarang sa mga panalangin sa ebanghelyo.

DallinH. Oaks(60) Ang mga estudyante sa kolehiyo nga nanan-aw sa usa ka iro nga mikamang padulong sa usa ka squirrel wala makapangutana og, “Unsa ang sangputanan niini?” Ang lima ka adlaw ug lima ka gabii nga pagbiyahe sa bus sa manag-uyab nga taga-Colombia aron maminyo sa templo miusab sa ilang mga pagbati mahitungod sa kaminyoon sa templo ug sa ebanghelyo.

Dale G. Renlund(70) Ang “unang kiwaw nga pag-ampo” nakatabang sa dili kaayo aktibo nga miyembro nga mobati og impresyon diha sa simbahan nga “kini ang Akong balay.”

Joseph W. Sitati(6) Ang usa ka inahan nga walay bana misilsil sa mga panalangin sa ebanghelyo diha sa kasingkasing sa iyang mga anak.

Gary E. Stevenson(47) Isip usa ka priest sa high school, usa ka umaabut nga Apostol nagdumili sa pagtan-aw og ngil-ad nga salida, nga nakahatag og kaisug sa usa ka higala.

Juan Pablo Villar(95) Human mogahin og usa ka adlaw nga nag-proselyte uban sa iyang igsoon nga misyonaryo, si Juan Pablo Villar nakahukom nga magpabunyag ug moserbisyo og misyon.

Takashi Wada(38) Ang inahan ni Takashi Wada mipasakop sa Simbahan human ang Ginoo mihikap sa iyang kasingkasing pinaagi sa mabinationg buhat sa usa ka batang lalaki.

W. Christopher Waddell(19) Tungod sa mapangalagarong paningkamot sa pamilya ug mga higala, ang igsoong lalaki ni W. Christopher Waddell mihangup og balik sa ebanghelyo sa hapit na siya mamatay.