Elder Alan R. Walker

General Authority Seventy

Ang pagkat-on ug pagpatuhop sa kaugalingon sa bag-ong mga kultura nahimo nang tibuok kinabuhi nga kalingawan alang ni Elder Alan R. Walker, nga makatabang gayud kaniya sa iyang calling isip General Authority Seventy.

Natawo sa Buenos Aires, Argentina, ngadto kang Victor Adrian Walker ug Cristina Ofelia Sparrow Walker niadtong Enero 2, 1971, si Alan Roy Walker nagdako sa lain-laing parte sa Amihanan ug Habagatang Amerika.

Iyang gigahin ang iyang nag-una nga katuigan sa Argentina sa wala pa mobalhin ang iyang pamilya ngadto sa Boston, Massachusetts, USA, ug wala madugay ngadto sa Siyudad sa Mexico, Mexico, alang sa trabaho sa iyang amahan.

“Ang pagkat-on og Iningles nahimong dako nga panalangin,” miingon siya. Ug ang pagdako diha sa ebanghelyo nakapahimo niya sa pagpalambo sa iyang pagpamatuod ug sa pagpangandam samtang batan-on pa aron magmisyon. Human makaeskwela sa Brigham Young University sulod sa usa ka tuig, si Elder Walker miserbisyo isip full-time nga misyonaryo sa Tennessee Nashville Mission.

Aron makatabang sa pagpaayo sa iyang amahan gikan sa usa ka grabe nga aksidente, gilangay ni Elder Walker ang iyang mga plano nga mobalik pag-eskwela human sa iyang misyon ug mibalik sa Argentina. Didto niya nahimamat si Ines Marcela Sulé sa usa ka sayaw sa institute. Paglabay sa walo ka bulan, niadtong Agosto 12, 1993, naminyo sila sa Buenos Aires Argentina Temple. Pagkasunod adlaw, ang batan-ong magtiayon mibalhin ngadto sa Provo, Utah, USA, diin nakompleto ni Elder Walker ang iyang bachelor’s degree sa economics niadtong 1996.

Si Elder Walker mitrabaho isip corporate banker sa Citibank sulod sa tulo ka tuig, unom ka tuig isip controller sa Simbahan sa South America South Area, 11 ka tuig sa Mexico Area, ug sa labing ulahi isip direktor sa temporal affairs alang sa South America South Area. Niadtong 2010, gitawag si Elder Walker sa pagdumala sa Mexico Monterrey East Mission.

Ang mga Walker, uban sa ilang anak nga babaye, ganahan nga moserbisyo sa uban, mobiyahe, ug mahibalo sa bag-ong mga dapit ug mga tawo.

Sa wala pa matawag isip General Authority Seventy, si Elder Walker miserbisyo sa lain-laing kapasidad sa Simbahan, lakip ang Area Seventy, magtatambag sa kapangulohan sa stake, high councilor, bishop, magtatambag sa bishopric, ug ward mission leader.