Elder L. Todd Budge

General Authority Seventy

Sa dihang bata pa si Todd Budge, gitudloan siya sa iyang mga ginikanan unsaon sa pagtinguha sa kabubut-on sa Ginoo. Sa tibuok niyang kinabuhi, naningkamot siya sa paggamit niana nga buhat sa matag desisyon.

Paglabay sa katuigan, human nga siya ug ang iyang asawa nanimuyo sa usa ka panimalay uban sa lima ka anak, mibati siya og espirituhanon nga mga impresyon nga biyaan ang iyang panarbaho sa banking ug finance. Ang kausaban nagkinahanglan og dakong sakripisyo aron maestablisar siya diha sa bag-ong panarbaho.

Human sa dakong paningkamot ug pagpangandam aron mag-usab og panarbaho, nakahimamat si Elder Budge og usa ka tawo nga kwalipikado kaayo nga mohatag kaniya og tambag. Kini nga indibidwal misugyot nga magpabilin si Elder Budge sa iyang trabaho sa banking, mipahinumdom kaniya nga makaangkon siya og daghang oportunidad sa pagtambag ug pagtabang sa mga tawo. “Nagkinahanglan kita og mga tawo nga may integridad sa negosyo,” misulti ang tawo kaniya.

Gikonsiderar ni Elder Budge kana nga pakighimamat isip malumong kalooy gikan sa Ginoo. “Nagtuo ko nga gusto Siyang masayud asa nakapunting ang akong kasingkasing,” miingon siya. “Sa dihang ang Ginoo nasayud sa akong kasingkasing, wala na Siya magkinahanglan og sakripisyo, ug misalig ko nga magamit ko Niya alang sa Iyang mga katuyoan nga dili mag-usab og panarbaho.”

Ang iyang panarbaho nakatugot kaniya nga mahimong impluwensya alang sa kaayohan sa kalibutan sa negosyo, gani nakamugna og mga oportunidad sa pagpaambit sa ebanghelyo didto sa Japan.

Si Lawrence Todd Budge natawo niadtong Disyembre 29, 1959, sa Pittsburg, California, USA, ngadto nilang Lowell Jensen ug Deanna Price Budge. Nahimamat niya si Lori Capener panahon sa ilang tuig isip freshman sa Brigham Young University. Walo ka bulan human siya mipauli gikan sa pagserbisyo sa Japan Fukuoka Mission, naminyo sila sa Logan Utah Temple. Sila adunay unom ka anak.

Human makagradwar sa BYU niadtong 1984 nga adunay bachelor’s degree sa economics, si Elder Budge mitrabaho alang sa Bain & Company Japan; Citibank, N.A.; ug GE Capital. Nahimo siyang presidente ug chief executive officer sa Tokyo Star Bank Limited niadtong 2003, miserbisyo isip chairman of the board sa bangko sugod sa 2008 hangtud 2011.

Si Elder Budge nakaserbisyo isip Area Seventy, presidente sa Japan Tokyo Mission, presidente sa stake, bishop, presidente sa korum sa mga elder, ug presidente sa Young Men sa stake.