Paghatag og Gibug-aton sa Saktong Ngalan

Aron matawag ang Ang Simbahan ni Jesukristo sa mga Santos sa Ulahing mga Adlaw pinaagi sa tukma nga ngalan niini, adunay giimplementar nga mga kausaban sa mga paagi sa komunikasyon.

Mga Kausaban sa mga Website

• Ang ChurchofJesusChrist.org mopuli sa LDS.org isip ngalan sa opisyal nga website sa Simbahan.

• Sa mosunod nga pipila ka bulan, ang Newsroom.ChurchofJesusChrist.org mopuli sa MormonNewsroom.org.

• Ang ComeUntoChrist.org sa ngadto-ngadto mopuli sa Mormon.org, nga giusab aron sa paghatag sa nag-unang mga tigtan-aw niini (gawas sa Simbahan) og mas personal nga kasinatian.

Mga Kausaban sa mga Social Media Channel

• Ang tanang mahinungdanon nga social media account sa Simbahan giusab aron sa paghatag og gibug-aton sa ngalan sa Simbahan sa Manluluwas.

• Ang mga miyembro mahimong mopili sa pag-apil sa usa ka bag-o nga Facebook group nga gitawag og “Ang Simbahan ni Jesukristo sa mga Santos sa Ulahing mga Adlaw—Inspirasyon ug Balita” aron mahibalo mahitungod sa mga balita sa Simbahan ug sa mga update ug aron sa pag-ugmad og komunidad ug koneksyon diha sa Simbahan.

Mga Kausaban sa mga Mobile App

• Ang Sagrado nga Musika mopuli sa LDS nga Musika.

• Ang Gospel Library app magpabilin nga wala mausab.

Ang dugang nga mga kausaban gilauman samtang magtinabangay kitang tanan sa paghatag og gibug-aton sa ngalan sa Simbahan sa Manluluwas, Ang Simbahan ni Jesukristo sa mga Santos sa Ulahing mga Adlaw.