Ang Kuwait Opisyal nga Miila sa Simbahan

Ang Simbahan nakadawat og opisyal nga pag-ila alang sa lokal nga mga lider ug mga organisasyon niini gikan sa Estado sa Kuwait. Dul-an sa 300 ka miyembro sa Ang Simbahan ni Jesukristo sa mga Santos sa Ulahing mga Adlaw ang nagpuyo ug nagtrabaho sa Kuwait; gikan sila sa daghang nasud sa tibuok kalibutan. Ang pormal nga pag-ila gikan sa gobyerno nagtugot sa lokal nga mga lider nga mas maayong makaserbisyo sa mga panginahanglan sa mga miyembro sa Kuwait.

Si Bishop Terry Harradine sa Kuwait Ward, Manama Bahrain Stake, mipahayag og pasalamat ngadto sa gobyerno sa Kuwait tungod sa pagtugot og kagawasan sa pagsimba diha sa Kuwait, ilabi na sa mga trabahante gikan sa laing mga nasud, ug sa pagpasiugda og relihiyusong kamasinabtanon sulod sa nasud.