Elder William R. Walker

Vitusagavulu, Vakaitutu Raraba

Na vulici kei na kilai ni itovo vakaitaukei ena veivanua vovou sa tiki ni nona bula ka dua na ka taleitaki nei Elder Alan R. Walker, ka na veivuke ena nona veiqaravi ena veikacivi me Vakaitutu Raraba ena Vitusagavulu.

E sucu mai Buenos Aires, Argentina, ki vei Victor Adrian Walker kei Cristina Ofelia Sparrow Walker ena 2 ni Janueri 2, 1971, a susu cake mai ena veitikina duidui ni Ceva kei na Vualiku kei Amerika.

E tiko e Argentina ena matai ni vica na yabaki ni nona bula, ni se bera ni toki kei na nona vuvale ki Boston, Massachussetts, Amerika, ka qai lako ki Mexico City, Mexico, baleta na cakacaka nei tamana.

“Na vulici ni vosa vaka Valagi sa dua na veivakalougatataki vakasakiti,” e kaya o koya. Na nona tubu cake ena kosipeli sa vukei koya me tauyavutaka na nona ivakadinadina ka vakavakarau ena yabaki ni bula gone me daukaulotu. Ni vuli tiko e Brigham Young University me rauta e dua na yabaki, sa daukaulotu o Elder Walker ena Tabana ni Kaulotu e Tennessee Nashville.

Me veivuke ena nona bula cake mai o tamana ena dua na vakacalaka levu, e vakadaroya o Elder Walker na nona ituvatuva me lesu ki vuli ni oti nona kaulotu ka lesu ki Argentina. Oqori na vanua a qai sotavi Ines Marcela Sulé ena danisi ni inisitute. Ni oti e walu na vula, ena 12 ni Okosita, 1993, erau vakamau ena Valetabu e Buenos Aires Argentina. Ena siga ka tarava, erau toki yani na veiwatini vou ki Provo, Utah, Amerika, ka qai vakacavara kina o Elder Walker na nona koroi ena economics ena 1996.

E cakacaka o Elder Walker me tolu na yabaki ena baqe na Citibank, ono na yabaki vakadaunifika ni Lotu ena Wasewase ni Ceva kei Amerika, ka 11 na yabaki ena Wasewase e Mexico, wale tikoga oqo vaka dairekita ena iyauqaqa ena Wasewase ena Ceva kei Amerika. Ena 2010, e kacivi kina o Elder Walker me vakatulewa ena Tabana ni Kaulotu na Mexico Monterrey East.

Erau taleitaka na veiwatini na Walker, kei na luvedrau yalewa na veiqaravi vei ira na tani, veilakoyaki, kei na kena kilai na tamata kei na vanua vovou.

Ni se bera ni kacivi me Vakaitutu Raraba ena Vitusagavulu, e veiqaravi tu o Elder Walker ena veikacivi duidui eso ni Lotu, oka kina vaka Vitusagavulu ni Wasewase, daunivakasala ena mataveiliutaki ni iteki, lewe ni matabose e cake ni iteki, bisopi, daunivakasala ena matabisopi, ka liuliu ni kaulotu ena tabana levu.