Elder Hans T. Boom
Vakaitutu Raraba ni Vitusagavulu
Ena gauna se yabaki walu tiko kina o Elder Hans T. Boom, ratou a toki vakavuvale mai Amsterdam ki na siti o Breda, e toka ena ceva kei Netherlands. Na tamana, e kai Dutch a tubu cake mai Indonesia ka a saumaki ki na Lotu, ka nanuma o koya me sa biubiu mai na nona vuvale mai na siti levu ka lesu ki na vanua ni nodra qase e liu.
Na nodratou mai tiko ena tabana lailai oya o Elder Boom kei nona vuvale sa yaco me yavu vuli me baleta na veiqaravi ena Lotu—na veiqaravi sa solia kece kina na gauna taucoko ni nona bula ka na tomana tikoga me solia yani ena nona veikacivi vou oqo vaka—Vakaitutu Raraba ni Vitusagavulu.
“Na veika kece baleti au kei na veika kece au taukena sa nona ga na Turaga kei na veimadigi sa solia mai o Koya meu vulica ka tubu kina,” e kaya o koya.
A sucu enai ka 13 ni Julai, 1963, mai Amsterdam kivei Hans kei Ankie Boom, o Hans Theodorus Boom e a ikarua ni qase ni va na gone luvedrau na Boom. Rau a vakatavulica na kosipeli e vale na nona itubutubu ka vakayaloqaqataki iratou na luvedrau me ratou cakacaka vakaukauwa.
Ni sa yabaki 18, a lako ki kaulotu o Elder Boom ena Tabana ni Kaulotu e England London East. Ni oti e vica na vula ni sa cava nona kaulotu, a sotava na yalewa me na watina, o Ariena Johanna “Marjan” Broekzitter, ena dua na koniferedi ni Lotu ni itabagone qase cake. Rau a vakamau na veiwatini enai ka 27 ni Julai, 1984, mai Rhoon, Netherlands, ka rau a vauci ni oti e tolu na siga ena Valetabu e Lodoni Igiladi. E tolu na luvedrau tagane.
A cakacaka vunivola o Elder Boom vei qasenivuli liu ni Markenhage College ka dauniveivakacurumi ena Franchise Development Benelux. Ena gauna a kacivi kina me Vakaitutu Raraba, a cakacaka tiko vaka-manidia ni veivoli ena MacLean Agencies.
Sa veiqaravi oti o Elder Boom vaka-Vitusagavulu ni iWasewase, daunivakasala ena mataveiliutaki ni iteki, peresitedi ni Cauravou ni iteki, peresitedi ni tabana, ka daunivakasala ena mataveiliutaki ni tabana. Ena gauna a kacivi kina, a veiqaravi tiko vaka-qasenivuli ni inisitute ka cakacaka ena Valetabu e Hague Netherlands.