Veidusimaki Veivakauqeti

Me yacova mai nikua, ena mataveiliutaki nei Peresitedi Russelll M. Nelson:

Sa vakavoutaki na kuoramu ni matabete.
Sa vakaisosomitaki na veituberi kei na siko vuvale ki na veiqaravi.
Sa tauyavutaki e dua na parokaramu vou ni vakatorocaketaki yadudua me baleti ira na gone kei na itabagone.
Sa tabaki vou na ivolanisere kei na nodra Sere na Lalai .
Sa tauyavutaki na idusidusi vou me baleta nodra vakatarogi vei bisopi na itabagone.
Sa mai vakamatatataki na kena cavuti vakataucoko na yaca ni Lotu.
Sa taba ena initaneti na veikacivi ni kaulotu e Amerika kei Kenada.
E sa vakayacani vou na Mormon Tabernacle Choir me Tabernacle Choir ena Rara ni Valetabu.
Sa tekivu na vuli kosipeli e kena usutu na vuvale ka tokona na Lotu, oka kina na kena sa rua ga na auwa na soqoni ena Siga Tabu.
Sa kacivaki e ruasagavulu ka vitu na valetabu vou.
Sa mai bokoci na veivakamarautaki lelevu kece ka tolu ga sa vo.
Na nodra torocake na Lalai kei na itabagone, nodra tabaki na cauravou ki na matabete, kei na ivolatara ni valetabu ni itabagone sa na vakayacori tiko ena Janueri ka segai ni oti nodra siganisucu.
Sa rawa vei ira na yalewa daukaulotu mera dara na tarausese balavu rakorako.
Sa veisau eso na veika matailalai baleta na cakacaka ni valetabu.
Era sa tauyavutaki na tabana vou ni kaulotu ka tuvai vou na yalayala ni vanua ni kaulotu, ka sogo e rua na koronivuli ni kaulotu.
Ena gauna oqo sa rawa vei ira na gone era itubutubu LGBT mera vakalougatataki ka papitaiso, ka sa vakamatatataki na lawatu me baleti ira na vakamau vakamataqali vata.

Ka sa yalataka kina o Peresitedi Nelson ena veidusimaki ga ni Turaga, ena levu na veisau!