Elder Benjamin M. Z. Tai
Vitusagavulu Vakaitutu Raraba
Na tubui Elder Benjamin M. Z. Tai tagane a vesu, bala i valeniveivesu ka vakamatei mai na mataivalu ni Japani era tu e Hong Kong ena iKarua ni Valu Levu.
Ni oti e vicasagavulu na yabaki, qai sotava o Elder Tai na yalewa a qai watina, o Naomi Toma, mai Japani, ni veiqaravi tiko vaka peresitedi ni kuoramu ni talatala qase ena tabanalevu ni gonevuli e Brigham Young University. E veiqaravi tiko vakaperesitedi ni Soqosoqo ni Veivukei o Naomi.
Ena gauna e tukuna kina o Benjamin vei tamana, Vakaitutu Raraba emeritesi Elder Kwok Yuen Tai, ni sa gadiva ka namaka tiko me vakamautaki Naomi, e sega ni vakaraitaka e dua na cudru o tamana. E rau lako mai ki Hong Kong, o Rikuo kei Fumika Toma, na itubutubu nei Naomi, me rau mai sikovi rau na itubutubu nei Benjamin. Erau vakaraitaka na nona itubutubu ni kosipeli i Jisu Karisito sa vakatara me rau rawa ni vakamau. Erau a vakamau ena Valetabu mai Salt Lake ena ika 23 ni Tiseba, 1995 na lewe rua. Erau nodratou itubutubu e ono na gone.
“E duidui na itovo ni bula keirau lako mai kina, ia e tiko na isema tautauvata ni vakabauta kei na soli bula,” e kaya o Elder Tai. E kila o Elder Tai ni isema oqo ni vakabauta kei na solibula ena semati koya kei ira na Yalododonu Edaidai e vuravura taucoko.
E sucu o Benjamin Ming Zhe Tai ena 20 ni Me, 1972, mai Hong Kong kivei Kwok Yuen kei Hui Hua Tai. Na cakacaka nei tamana e kauti iratou ki na veiyasai vuravura ni bera ni ratou qai mai tiko vakadua e Ceva kei Kalifonia, Amerika, ena vanua qai mai tiko kina ena nona yabaki vakacauravou. Ena nodratou vale, erau vakaliliga toka e dua na ivola vivi ka volai tu vaka Jaina: “O au kei na noqu vale keitou na qaravi Jiova” (Josua 24:15). Oqori na nodratou ibole na matavuvale na Tai.
Ni sa veiqaravi oti ena Tabana ni Kaulotu e Melbourne Australia, e rawata na nona koroi ena veika bula mai BYU ena 1996 kei na koroi ni master ena liutaki bisinisi mai na University e Kalifonia, Los Angeles (UCLA), ena 2003. Sa cakacaka e Japani kei Hong Kong ena baqe ni vakatubuilavo kei na tabana ni veivakatorocaketaki ni veivakavaletaki.
Sa veiqaravi oti vaka Vitusagavulu ni Wasewase o Elder Tai, peresitedi ni tabana, daunivakasala ena mataveiliutaki ni tabana, vunivola liu ni tikina, peresitedi ni kuoramu ni talatala qase, peresitedi ni tabana, ka qasenivuli ni Wilivola ni Sigatabu.