Elder James R. Rasband

Vakaitutu Raraba ni Vitusagavulu

Ena gauna a kacivi kina o Elder James R. Rasband ki na mataveiliutaki ni iteki ena vica na yabaki sa oti, a vakila ni sega tu ni vakarau. “E rairai cala beka oqo,” a vakasamataka ko koya.

A vakila talega vakaoqo ena gauna ni se yabaki 19 kina ena nona curu ki na Koronivuli ni Kaulotu e Provo me vakarau laki kaulotu tudei ki Seoul, South Korea. “Au na cakava rawa beka vakacava oqo?” a taroga lo.

Ena gauna ruarua oqo, a tautauvata ga na kena isau: “Tiko ga kina. Ena yaco mai na reki.” Se, ena vosa nei tinana, “Na savasava ni Turaga sa mai vei ira na tamata uasivi. Cakava ga nomu cakacaka.”

E vakila vakalailai o Elder Rasband na ituvaki o ya ni se mua yani ki na nona veikacivi vou ni Vakaitutu Raraba ni Vitusagavulu, ia sa kila tu na kena isau: “Sa gadreva na Tamada Vakalomalagi meda sa cakacaka ga yani ka wasea na itukutuku veivakabulai rekitaki ni Luvena kei na solibula veisorovaki ni Luvena.”

A sucu o James Richard Rasband mai Seattle, Washington, Amerika, kivei James E. kei Ester Rasband enai ka 20 ni Maji, 1963. A tubu cake mai Pebble Beach, California, Amerika, ena dua na itikotiko e voleka ni 200 na yatu mai baravi.

Rau a sota o Elder Rasband kei Mary Diane Williams ena imatai ni nodrau yabaki ena Brigham Young University. Rau a veivolavolai tiko ena gauna a vuli tiko kina o Rasband me lima na vula mai Isireli vakakina ena gauna taucoko ni nona kaulotu tiko ena Tabana ni Kaulotu e Korea Seoul. Erau a vakamau ena Valetabu e Los Angeles California enai ka 11 ni Okosita, 1984. Erau nodra itubutubu e lewe va na gone.

Ni sa lesu mai ena kaulotu, a vakacavara na nona koroi ni bejala ni vosa Vakavalagi kei na vuli me baleta na Vualiku e Loma e BYU ena 1986 a qai rawata kina na nona koroi ni vuku mai na Harvard Law School ena 1989. Ni oti nona cakacaka tiko vakalawa me lima na yabaki e Seattle, a lesu tale ki BYU ena 1995 me lewena na isoqosoqo ni J. Reuben Clark Law School. A veiqaravi vakailiuliu ena koronivuli ni lawa mai na 2009 ki na 2016, ena gauna me sa peresitedi ivukevuke kina vakavuli e BYU.

Sa veiqaravi oti o Elder Rasband vaka-Vitusagavulu ni iWasewase, peresitedi ni iteki, daunivakasala ena mataveiliutaki ni iteki, lewe ni matabose e cake, bisopi, ka peresitedi ni Cauravou ena tabanalevu.