Ana Iteraniba te Aono
Te Tai ae Taiaki ae Kakukurei
Tarawa, kautuun te Aba ae Kiribati, e toka iaon te ane man taraakina ae tamaroa ao e mena irarikin te ekuetoa ni Marawan te Betebeke. Te aba ae riki man 32 aba ake a riki man te ane ao teuana n aba ae mena ieta ae riki man te rakai. Tabeua mai buakon aaba aikai a mena n taabo aika a raroa nako ni kaineta Biti n teuana te kawai, ao Hawaii n te kawai are teuana.
E kona ni matoatoa te maiu ibukiia 114,300 aomata ake a maeka i Kiribati ma buruun karawa ae takia ootana ae nooraki koauana e kuri ni katoabong, ma bwakan te karau ae tokitoki ao ae bon tau ibukin kateimatoaan te maiu. Ma, te tai ae taiaki ae riaon tabeua te ririki n nako e rangi n nakoraoi—are bon taiakin te maiu n tamnei. N 2017, 804 aomata a nakomai nakon Kristo ao ni bwabetitoaki nakon Ana Ekaretia Iesu Kristo ibukiia Aika Itiaki ni Boong aika Kaitira; are e karekea botan te mwaiti ni kaainakin te aro nakon 19,790 inanon 2017. A mwakuri mitinare ni katoa bong ni kaoiia aomata ni kabane n “Nakomai nakon Kristo” ao n 2017 te rikirake e teimatoa ni korakora.