Bibitakin-ana Tabo n Takakaro te Aba ae Kiritimati

Te ruu ni kaongora

Te Kiritiimati Island Districti n Ana Ekaretia Iesu Kristo ibukiia Aika Itiaki ni Boong aika Kaitira e kauka ana tabo n takakaro ae kabonganaki n anga aika a mwaiti n te tai ae nako, are e raonaki ma te tabo ni kaboo n te takakaro ae te bwatiketibooro ao te nete.

Te kateitei ibukin te tabo n takakaro iai naba ana taura aika e katauraoi ni kaonoti ibukin kamanenaakin te tabo n takakaro ni karokoa te bong ao bwaai tabeua aika a riki aika katein te aba.

Ni kaukan te bukamaru e kairaki ma katein mwaieen Kiribati ao te katokabau (ana bukamaru Kiribati ni katokaan te bau) ni butimwaaia taan kairiiri n te Ekaretia ao taan kairiiri n te komuniti.

Ake a tei ibukin te Ekaretia bon Beretitenti John Larkin, te Beretitenti n te Marshall Islands/Kiribati Mition ma kainnabana ae Titita Robyn Larkin; Unimwaane ao Titita Menzie, taanga ni mitinare aika a maan ake a beku ngkai iaon Kiritimati (Unimwaane Menzie ngaia naba te ka 2 ni Kauntira n te beretitentii n te mition); ao Teitiaki Naitiniwa, te Beretitenti n te Kiritimati Island District.

Beretitenti Larkin e katauraoa ana marooro ni kaukuuki nakoia iruwaa ake a roko ao membwa aika mwaiti man te Ekaretia—ao n taekina ana motinnano te Ekaretia ni katean taian kateitei bwa mwakoron baika e na karikirakei te Ekaretia ibukin kamarurungan te rabwata ao te reitaki ni iwawaaki ma membwa—n ai aron naba katauraoan te tabo ibukin waaki ni kakukurei ni katein te aba ao n te aro ni bobootaki.

Te Tia Tei ae Karineaki ae Mikarite Temari, te Minita ibukin te Aono n Raina ao Rawaki e katauraoa te marooro ni butimwaai n tei ibukiia kaain te tautaeka ni Kiribati ao ni kaota ana kakaitau ibukin nakoraoin ao mwakurin raoi ana kateitei te Ekaretia iaon Kiritimati, n raonaki ma te tabo n takakaro ae boou.

Te Minita ae Temari e kaota naba bonganan ana angabwai Ana Ekaretia Iesu Kristo ibukiia Aika Itiaki ni Boong aika Kaitira nakoia aomata ni kabuta te Ribwabiriki mai Kiribati

Te tabo n takakaro ae boou e a kaman baireaki bwa te tabo ni kataneiai ibukiia taan tei ibukiia kaain te tiim ni bwatiketibooro ao n nete n ana Kaboo n Takakaro Kiribati Inanon te Aba ae e nang roko are e a tia ni baireaki taina rimwi riki n 2019.

N raonaki ma anne, te tabo n takakaro e na butimwaai kaboo n takakaro iaon te bwatiketibooro ao te nete ibukiia kaain te komuniti.