Unsaon Nato sa Pagpangita og Kalipay?

Alang nako ug sa kadaghanan, usahay adunay nadugang nga gidaghanon sa kalisud kon kini kabahin sa kalipay—bisan human sa pagpili sa pagpuyo nga matarung. Matingala ako usahay, “Kon ako naghupot sa mga sugo, nganong ako naglisud man nga mobati og kalipay?”

Daghang hinungdan ang makadaot sa atong pagbati sa kalipay o kaayohan, sama sa pagkawala sa trabaho, sa kamatayon sa usa ka minahal, o nabalda sa pisikal ug/o kahimsog sa pangisip. Sa gihapon, ako mituo nga bisan unsa pa ang malisud nga kasinatian nga inyong giagian, sa unahan adunay mas maayong mga adlaw! Sa akong artikulo, “Ang Pagpangita sa Kalipay,” sa pahina 24, akong ipakigbahin ang panglantaw sa ebanghelyo uban sa siyentipiko nga pagsiksik sa tumong sa pagtinguha sa kalipay, ilabi na kon kini daw dili maabut.

Sa artikulo ni Elder David A. Bednar sa pahina 18, “Si Jesukristo: Ang Tinubdan sa Malungtarung Hingpit nga Kalipay,” nagtudlo kanato mahitungod sa tinuod ug malungtarung kalipay. Puno sa mga pagpasabut sa kasulatan ug propetikanhong panagna, ang iyang artikulo napuno sa mahinungdanon nga mga instruksyon nga importante sa atong mahangturong kaayohan ingon man usab sa pagpangita og kalipay panahon sa pagkamortal.

“Si Adan napukan aron ang mga tawo mahimo,” ang kasulatan nagsulti, “ug ang mga tawo naingon, nga unta sila makabaton og hingpit nga kalipay” (2 Nephi 2:25). Human sa pinakangitngit nga kagabhion, ang kahayag mobalik kanunay sa buntag.

David Dickson

Mga Magasin sa Simbahan