Gikan sa Unang Kapangulohan

Ang Kahayag sa Kalibutan

Ni Presidente Henry B. Eyring

Ikaduhang Magtatambag sa Unang Kapangulohan

Gipahiangay gikan sa 2011 nga Debosyonal sa Pasko sa Unang Kapangulohan.

Usa ka pinakamatahum nga mga simbolo sa pagkatawo ni Jesukristo mao ang kahayag. Sa dihang si Jesus natawo, Siya nagdala og kahayag ngadto sa nagkisdom nga kalibutan.

Ang mga propeta nagtudlo nga ang kahayag mao ang timailhan sa pagkatawo sa Manluluwas. Katuigan sa wala pa matawo si Jesus, si Samuel ang Lamanite nanagna:

“Adunay daghan kaayo nga mga kahayag sa langit, nga diha sa gabii nga siya dili pa moabut walay kangitngit, nga sa ingon mopakita ngadto sa tawo ingon og kini adlaw.

“Ug tan-awa, adunay bag-o nga bitoon nga mosubang, nga sa sukad wala pa ninyo masud-ong” (Helaman 14:3, 5).

Kini nga bitoon migiya sa mga Mago ngadto ni Jesus aron mosimba Kaniya. Mihatag sila Kaniya og mahalon nga mga regalo sa bulawan ug incencio ug mira.

Mopamatuod ko nga si Jesus mao ang Buhi nga Kristo. Kita mohinumdom Kaniya ug maningkamot sa tibuok natong kasingkasing sa paghigugma sama sa Iyang paghigugma. Kana mao ang diwa sa Pasko. Kini mawo ang diwa sa tinuod nga kalipay sa matag adlaw.

Sunda ang Bitoon

Sa dihang si Jesus natawo, ang mga Mago misunod sa bitoon. Kolori ang mga bitoon sa ubos aron matabangan ang mga Mago nga makit-an si Jesus.