Hello gikan sa Colombia!
Hi, kami si Margo ug Paolo.
Kuyugi kami samtang bisitahon namo ang Colombia!
Ang Colombia anaa sa amihanang South America. Kini nga nasud nga ang pinulongan Kinatsila adunay mga 49 ka milyon ka tawo, uban sa mga 200 ka libo nga mga miyembro sa Simbahan.
Ang Colombia adunay tropikal nga klima, og daghang lain-laing mga tanom ug mga hayop. Sa pagkatinuod, kini adunay daghang matang sa mga langgam kay sa bisan asang laing nasud! Kadaghanan niini dili makita bisan asa sa kalibutan, sama niining daghan og kolor nga tanager.
Kining batang babaye nagkaon og arepa, usa ka lamian nga cake nga mais. Kasagaran ang mga tawo sa Colombia mokaon niini dungan sa keso ug karne.
Sa Colombia, ang Disyembre 7 mao ang el Día de las Velitas (ang Adlaw sa Gagmayng mga Kandila). Ang mga tawo mopahayag sa kadalanan gamit ang liboan ka kandila sa pagsugod sa panahon sa Pasko.
Karong bulana nagtimaan nga usa ka tuig na sukad gipahinungod ang Barranquilla Colombia Temple.
Ania ang usa ka litrato sa bag-ong templo. Ang Colombia usab dunay lain nga templo, sa kapital nga siyudad sa Bogotá.
Pakighimamat sa mga higala gikan sa Colombia!
“Gibati nako nga bulahan ug malipayon nga nakabaton sa ebanghelyo sa akong kinabuhi. Nasayud ko nga si Jesukristo buhi ug nahigugma kanato ug nga si Propeta Joseph Smith mipahiuli niini nga Simbahan. Ako nagpasalamat nga kita adunay propeta nga naggiya kanato.”
Camila R., edad 10, Valle del Cauca, Colombia
“Ako nasayud sa tibuok nakong kasingkasing nga ang akong Langitnong Amahan ug Si Jesukristo buhi ug nahigugma kanato. Sila mihatag og pagpadayag ngadto ni Joseph Smith sa paghubad sa Basahon ni Mormon nga kini magamit sa tanan.”
Luis V., edad 12, Valle del Cauca, Colombia
Salamat sa pagbisita sa Colombia uban namo. Magkita kita sa sunod tuig!