Unsa ang makatabang nako nga makasabut sa basahon sa Pinadayag?
Tungod sa modernong mga propeta, makaangkon kita og tabang alang sa pagsabut sa basahon sa Pinadayag. Si Joseph Smith mihatag kanato og pipila ka importante nga mga yawe niini nga basahon. Sama pananglit:
-
Doktrina ug mga Pakigsaad 77. Kini nga pagpadayag mao ang usa ka pormat sa pangutana ug tubag ug naghatag kanato og importanting mga panabut sa basahon sa Pinadayag. Kini nagpasabut sa nagkalain-laing mga elemento sa mga kapitulo 4–11 ug naghatag og gibug-aton kon sa unsang paagi kini dunay kalabutan sa buhat sa Ginoo sa ulahing mga adlaw.
-
Ang Hubad ni Joseph Smith. Anaay daghan nga mga bersikulo sa basahon sa Pinadayag nga si Joseph Smith mitabang sa pagklaro pinaagi sa proseso sa iyang dinasig nga hubad sa biblia. Makaplagan ninyo kini diha sa tabang sa pagtuon sa scriptures.ChurchofJesusChrist.org.
Si Joseph Smith mitabang kanato nga makita ang basahon sa Pinadayag nga dili mga misteryo nga dili mahibaloan nga maoy hunahuna sa uban. Ug siya usab mitudlo kanato nga kon ang Dios naghatag og usa ka interpretasyon sa panan-awon, kita walay tulubagon sa pagkahibalo niini (tan-awa sa History of the Church, 5: 343). Siya mitabang nato nga makakita nga ang labing gitutukan sa basahon mao si Jesukristo—ang paglaum nga anaa kanato pinaagi Kaniya sa pagbuntog sa kalibutan ug pagbalik ngadto sa Langitnong Amahan.