Mai le Au Peresitene Sili
O Le Tusi a Mamona Pele
Saunia e Peresitene Russell M. Nelson
Sii mai le “Auai o Tuafafine i le Faapotopotoina o Isaraelu,” Liahona, Nov. 2018, 68–70; ma le “Tusi a Mamona: O le a Faapei Lou Olaga e Aunoa ma Ia?” Liahona, Nov. 2017, 60- 63.
E faapefea ona pele le Tusi a Mamona ia te oe? Afai e ofo atu ia te oe ni taimane po o ni penina po o le Tusi a Mamona, o le a le mea e te filifilia? O le Tusi a Mamona o le afioga moni lava a le Atua. O loo aoao mai ai e uiga ia Iesu Keriso.
Ou te valaaulia outou e faitau le Tusi a Mamona i aso uma. Tatalo ma mafaufau i mea o loo e aoaoina.
Ao e faia lea mea, ou te folafola atu:
-
O le a e latalata atili atu i le Faaola.
-
O le a e faia ni filifiliga e sili atu—i aso uma.
-
O le a fesoasoani ma musuia oe e le Tama Faalelagi.
-
O le a mafai ona e manumalo i faaosoosoga.
-
O le a faamafanafana ia te oe, faamalosia oe, ma faafiafia oe.
-
O suiga ma vavega o le a amata ona tutupu!.
E Faapefea Ona Pele le Tusi a Mamona ia te Oe?
O le tausaga lenei o loo matou aoina mai ai tala, ata, ma atatusi e uiga i le Tusi a Mamona pele. O le a matou faaalia ma lolomi nisi o i latou i le mekasini!
Ina ua ou aoao e faitau, na aumai e lou tina ia te au se Tusi a Mamona ma fai mai ia te au e faitau i ai o se sauniuniga mo lou papatisoga. Talu mai lena taimi, na ou faitauina i aso uma. O le tala ou te fiafia lava i ai o le taimi lea na maua ai e Liae le Liahona.
Keyla S., 7 tausaga, Aai o Mekisiko, Mekisiko
Sa ou tuuina atu se Tusi a Mamona i se tasi o lau vasega i le aoga.
Felipe M., 9 tausaga, São Paulo, Pasila
Ari K., 9 tausaga, Nuevo Leon, Mekisiko
“Laau o le ola,” Russell K., 8 tausaga, North Carolina, ISA
Auina Mai ia i Matou Lau Ata po o se Aafiaga!
-
Tusi se ata, pue se ata, pe tusi e uiga i le Tusi a Mamona.
-
Auina mai ia i matou! Tagai i le faavaa i tua e iloa ai pe faapefea.
-
Matamata le Uo i masina taitasi e iloa ai pe o faapefea ona mulimuli tamaiti i le valaaulia a Peresitene Nelson e faitau le Tusi a Mamona.